وقۋ-اعارتۋ مينيسترلىگى قىسقى دەمالىستى ۇيىمداستىرۋ ءۇشىن وڭىرلەرگە «ءبىرتۇتاس تاربيە» باعدارلاماسى اياسىندا ۇسىنىستار جىبەردى.
بۇل ۇسىنىستار قاۋىپسىزدىك ساباقتارىن، ءبىلىم بەرۋ، سپورتتىق، مادەني جانە شىعارماشىلىق ءىس-شارالاردى قامتيدى، دەپ حابارلايدى aqshamnews.kz وقۋ-اعارتۋ مينيسترلىگىنە سىلتەمە جاساپ.
بالالاردىڭ قاۋىپسىزدىگىن قامتاماسىز ەتۋ باسىم مىندەتتەردىڭ ءبىرى بولىپ تابىلادى. اسىرەسە مەرەكە كۇندەرى وقۋشىلاردىڭ وتباسىمەن ۋاقىت وتكىزۋىنە ەرەكشە كوڭىل بولىنەدى.
جول-كولىك وقيعالارىنىڭ الدىن الۋ ماقساتىندا كوشەلەردە، سىرعاناقتاردا، مۇز ايدىندارىندا، سۋ قويمالارى ماڭىندا جانە ادامدار كوپ جينالاتىن ورىنداردا، سونىڭ ىشىندە جارمەڭكەلەر مەن جاڭاجىلدىق شىرشالاردا قاۋىپسىزدىك شارالارىن ساقتاۋ قاجەت.
سونداي-اق ءورت قاۋىپسىزدىگى دە ماڭىزدى ءرول اتقارادى. وت پەن ەلەكتر قۇرىلعىلارىن قولدانۋ كەزىندە، جاڭاجىلدىق گيرلياندالار، شامدار مەن بەنگال شامدارىن پايدالانعاندا قاۋىپسىزدىك ەرەجەلەرىن قاتاڭ ساقتاۋ كەرەك.
ەسكە سالا كەتەيىك، وسى وقۋ جىلىندا قىسقى دەمالىس 30 جەلتوقساننان 8 قاڭتارعا دەيىن 10 كۇنگە سوزىلادى. ال ءبىرىنشى سىنىپ وقۋشىلارى ءۇشىن 2025 جىلدىڭ 10-16 اقپان ارالىعىندا 7 كۇن قوسىمشا دەمالىس بەرىلەدى.