قىزمەت قۇرامىنا ءبىرقاتار ماماندار كىرەتىن بولادى.
ءبىلىم جانە عىلىم مينيسترلىگى ورتا ءبىلىم بەرۋ ۇيىمدارىندا پسيحولوگيالىق قىزمەتتىڭ جۇمىس ىستەۋ قاعيدالارىن ۇسىنىپ، قۇجات جوباسىن ازىرلەدى، دەپ حابارلايدى Almaty-akshamy.kz Egemen.kz سىلتەمە جاساپ.
قۇجات وقۋشىلاردىڭ پسيحولوگيالىق ءال-اۋقاتىن ساقتاۋعا جانە نىعايتۋعا، ءبىلىم بەرۋ پروسەسىنە قاتىسۋشىلار اراسىندا قولايلى پسيحولوگيالىق احۋال قالىپتاستىرۋعا، جەكە مۇمكىندىكتەر مەن ەرەكشە قاجەتتىلىكتەردى ەسكەرە وتىرىپ، ءبىلىم الۋشىلاردى الەۋمەتتىك، پسيحولوگيالىق-پەداگوگيكالىق سۇيەمەلدەۋدى قامتاماسىز ەتۋگە باعىتتالعان.
پسيحولوگيالىق قىزمەتتىڭ كەلەسى مىندەتتەرى بەلگىلەنگەن:
- جەكە ءتاسىلدى قامتاماسىز ەتۋ، ءبىلىم الۋشىلاردىڭ تۇلعالىق دامۋىنا جانە پسيحولوگيالىق ورنىقتىلىعىنا جاردەمدەسۋ، ولاردىڭ پسيحيكالىق جانە دەنە دامۋى مەن وقۋىنىڭ ءقاۋىپسىز جاعدايلارىن قامتاماسىز ەتۋ، پسيحولوگيالىق-پەداگوگيكالىق جانە الەۋمەتتىك پروبلەمالاردى شەشۋگە كومەك كورسەتۋ؛
- دامۋ مەن وقىتۋ پروبلەمالارىنىڭ تۋىنداۋىنىڭ الدىن الۋ ءۇشىن بالالاردىڭ دامۋ مۇمكىندىكتەرى مەن ەرەكشەلىكتەرىن كەشەندى دياگنوستيكالاۋ، ءبىلىم بەرۋ پروسەسىنىڭ بارلىق قاتىسۋشىلارىن سۇيەمەلدەۋ؛
- ەرەكشە ءبىلىم بەرۋ قاجەتتىلىكتەرى بار ءبىلىم الۋشىلاردى پسيحولوگيالىق-پەداگوگيكالىق قولداۋدىڭ جەكە-دامىتۋ باعدارلامالارىن ازىرلەۋ جانە ىسكە اسىرۋ، ءبىلىم بەرۋ باعدارلامالارىن ولاردىڭ ەرەكشە ءبىلىم بەرۋ قاجەتتىلىكتەرىن انىقتاۋ جانە باعالاۋ نەگىزىندە ءبىلىم الۋشىلاردىڭ مۇمكىندىكتەرى مەن قابىلەتتەرىنە بەيىمدەۋ؛
- ءبىلىم بەرۋ پروسەسىنە قاتىسۋشىلاردى سۇيەمەلدەۋ بويىنشا پەداگوگتەر مەن مامانداردىڭ ءپانارالىق، كوماندالىق ءتيىمدى ءوزارا ءىس-قيمىلىن قامتاماسىز ەتۋ، جەكە مۇمكىندىكتەر مەن ەرەكشە قاجەتتىلىكتەردى ەسكەرە وتىرىپ، ءبىلىم الۋشىلاردى تاربيەلەۋ، وقىتۋ جانە دامىتۋ، الەۋمەتتەندىرۋ ءۇشىن قاجەتتى جاعدايلار جاساۋ؛
- ءبىلىم بەرۋ پروسەسىنىڭ بارلىق قاتىسۋشىلارى اراسىنداعى قارىم-قاتىناستاردى رەتتەۋ، قارىم-قاتىناستاردى، ىنتىماقتاستىقتى جانە ءوزارا كومەكتى قولداۋ؛
- بارلىعىنا ساپالى ءبىلىم بەرۋدى قامتاماسىز ەتۋ ءۇشىن قاجەتتىلىكتەردىڭ ارتۇرلىلىگىن ەسكەرە وتىرىپ، ءبىلىم الۋشىنىڭ پەداگوگتەرى مەن وتباسىنا كونسۋلتاسيالىق-ادىستەمەلىك كومەك؛
- ءبىلىم بەرۋ پروسەسىنە قاتىسۋشىلاردىڭ پسيحولوگيالىق-پەداگوگيكالىق قۇزىرەتتىلىگىن ارتتىرۋ.
پسيحولوگيالىق قىزمەتتىڭ قۇرامىنا ءبىلىم بەرۋ ۇيىمى باسشىسىنىڭ (ديرەكتورىنىڭ) ورىنباسارلارى، پەداگوگ-پسيحولوگ، الەۋمەتتىك پەداگوگ، سىنىپ جەتەكشىسى، ارنايى پەداگوگتەر، پەداگوگ-اسسيستەنتتەر، ءپان پەداگوگتەرى، مەديسينا قىزمەتكەرى كىرەدى.
پسيحولوگيالىق قىزمەتتىڭ قۇرامى ءبىلىم بەرۋ ۇيىمى باسشىسىنىڭ بۇيرىعىمەن بەكىتىلەدى.
جالپى پسيحولوگيالىق قىزمەت ءوز قىزمەتىن دياگنوستيكالىق، كونسۋلتاسيالىق، ءاقپاراتتىق-تۇسىندىرۋ، دامىتۋ جانە ۇيىمداستىرۋ-ادىستەمەلىك باعىتتاردا جۇزەگە اسىرادى.
قۇجات 17 ماۋسىمعا دەيىن جاريا تالقىلاۋ ءۇشىن اشىق نقا سايتىندا ورنالاستىرىلعان.