قازاقستان مەكتەپتەرىندە قازاق تىلىنەن جاڭا فورماتتاعى ەمتيحان باستالدى.
بيىل ەنگىزىلگەن وزگەرىسكە سايكەس، سىننان 5ء-شى، 8ء-شى جانە 10-شى سىنىپ وقۋشىلارى وتەدى. ەمتيحان 31 مامىرعا دەيىن جالعاسادى، دەپ حابارلايدى اlmaty-akshamy.kz.
جاڭا ەمتيحان جازباشا جانە اۋىزشا تۇردە وتكىزىلەدى. وقۋشىلاردىڭ تىڭداۋ، سويلەۋ، وقۋ جانە جازۋ داعدىلارى جان-جاقتى باعالانادى. باعالاۋ جۇيەسى كەلەسىدەي:
- 0-دەن 11-گە دەيىنگى ۇپاي: تومەن ۇپاي، وقۋشى ەمتيحاندى قايتا تاپسىرۋى قاجەت.
- 12-دەن 18-گە دەيىنگى ۇپاي: ورتاشا كورسەتكىش.
- 19-دان 24-كە دەيىنگى ۇپاي: جاقسى كورسەتكىش.
- 25-دەن 30-عا دەيىنگى ۇپاي: وتە جاقسى كورسەتكىش.
بۇل وزگەرىس وقۋشىلاردىڭ قازاق ءتىلىن مەڭگەرۋ دەڭگەيىن ناقتىلى باعالاۋعا باعىتتالعان. جاڭا فورمات ءبىلىم بەرۋ ساپاسىن ارتتىرۋعا جانە وقۋشىلاردىڭ تىلدىك داعدىلارىن دامىتۋعا ىقپال ەتەدى دەپ كۇتىلۋدە.