قازاقستان رەسپۋبليكاسى وقۋ-اعارتۋ مينيسترلىگى تەحنيكالىق جانە كاسىپتىك ءبىلىم بەرۋ ۇيىمدارى اراسىندا رەسپۋبليكالىق «توپ — 100 ستۋدەنت» كونكۋرسىنىڭ باستالعانى تۋرالى حابارلايدى.
ماقساتى — تەحنيكالىق جانە كاسىپتىك ءبىلىم بەرۋ جۇيەسىنىڭ تالانتتى جانە پەرسپەكتيۆالى ستۋدەنتتەرىن انىقتاۋ جانە قولداۋ، سونداي-اق قازاقستان ەكونوميكاسىنىڭ ءتۇرلى سالالارى ءۇشىن جوعارى بىلىكتى مامانداردىڭ كادرلىق رەزەرۆىن جاساقتاۋ.
بايقاۋ ءۇش كەزەڭمەن وتكىزىلەدى:
• ىرىكتەۋ كەزەڭى — كوللەدج ىشىندە وتەدى؛
• وڭىرلىك كەزەڭ — ءار كوللەدجدەن بەس ستۋدەنت قاتىسادى؛
• رەسپۋبليكالىق كەزەڭ —شەشۋشى كەزەڭدە ءار ايماقتان 10 ۇزدىك ستۋدەنت سايىسقا تۇسەدى.
بايقاۋعا قاتىسۋشىلاردىڭ جۇمىستارىن ساراپشىلار: ءبىلىم بەرۋ، ونەر جانە گۋمانيتارلىق عىلىمدار، دەنساۋلىق ساقتاۋ جانە الەۋمەتتىك قامسىزداندىرۋ، جاراتىلىستانۋ عىلىمدارى، ماتەماتيكا جانە ستاتيستيكا، اقپاراتتىق-كوممۋنيكاسيالىق تەحنولوگيالار، بيزنەس، باسقارۋ جانە قۇقىق، الەۋمەتتىك عىلىمدار جانە اقپارات، اۋىل، ورمان، بالىق شارۋاشىلىعى جانە ۆەتەريناريا، ينجەنەرلىك، وڭدەۋ جانە قۇرىلىس سالالارى، سونداي-اق قىزمەت كورسەتۋ باعىتتارى بويىنشا باعالايدى