«قازاقستان كىتاپحاناسىنا» الدانىپ قالماڭىز!

Instagram الەۋمەتتىك جەلىسىندە «قازاقستان كىتاپحاناسىنا» جۇمىسقا قابىلداۋ تۋرالى حابارلاندىرۋ تارادى.

قازاقستاندىقتارعا فەيك بوس جۇمىس ورىندارى ۇسىنىلۋدا، دەپ حابارلايدى Almaty-akshamy.kz

كىتاپتاردى قايتا باسىپ شىققانى ءۇشىن كۇنىنە توعىز مىڭ تەڭگەدەن جانە ودان ارتىق تولەيدى ەكەن.

Stopfake.kzء-تىڭ مالىمەتىنشە، بۇل الاياقتىق.

ءماتىن تەرۋشىلەردى قاشىقتان جۇمىسقا قابىلداۋ تۋرالى وسىنداي حابارلاما 2023 جىلدىڭ باسىندا قازنەتتە تاراعان بولاتىن. ۆيدەوداعى ادەمى كەلىنشەك قولايلى جاعدايلار مەن كوپ تابىس تابۋعا بولاتىنى تۋرالى ايتقان. شىن مانىندە ول كۇماندى قۇرىلىس جوبالارىنا اقشا سالۋعا، بەلگىسىز جەرلەرگە جۇمىسقا ورنالاسۋ شاقىرعان اكتريسا بولىپ شىقتى.

ءبىر قىزىعى، سول كەزدە دە، ءقازىر دە «قازاقستان كىتاپحاناسى» ۇيىمى جۇمىس ۇسىنىپ وتىر. ەلىمىزدە مۇنداي كىتاپحانا جوق. ياعني، وندا جۇمىسقا ورنالاسۋ مۇمكىن ەمەس.

سونىمەن قاتار، فەيك بوس جۇمىس ورىندارىن ۇسىنۋ سحەمالارى بۇرىننان بار، ولار جەلىدە جاقسى سيپاتتالعان. ادەتتە، الاياقتار «ءوتىنىش بەرۋشىدەن» بىرنەشە تاپسىرمانى ورىنداۋدى جانە كورسەتىلگەن شوتقا «كەپىل» رەتىندە از مولشەردە اقشا اۋدارۋدى سۇرايدى. بۇل جاي فورمالدىلىق، ونى تولەگەننەن كەيىن تەرىپ شىققان ماتىندەر ءۇشىن قالاماقى بىردەن تولەنەدى دەپ سەندىرەدى. ال «كەپىل» تولەنگەننەن كەيىن الاياقتار جابىرلەنۋشىمەن بايلانىستى توقتاتادى جانە «مانساپ» باستالماي تۇرىپ اياقتالادى.

مۇنىڭ ءبارى ءماتىن تەرۋشىلەردى جۇمىسقا قابىلداۋ تۋرالى حابارلاندىرۋ جالعان ەكەنىن جانە وعان سەنۋگە بولمايتىنىن كورسەتەدى. بۇل جەلىدەگى كيبەر الاياقتاردىڭ ءىسى.