بۇگىن ق ر ۇلتتىق كىتاپحاناسىندا قازاقستان رەسپۋبليكاسىنىڭ پرەزيدەنتى ق.ج.توقايەۆتىڭ «ەلىمىزدىڭ اتا زاڭى – قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ تۋرالى» جارلىعىنا سايكەس رەسپۋبليكالىق رەفەرەندۋم وتكىزۋ تۋرالى دوڭگەلەك ۇستەل ءوتتى، دەپ حابارلايدى Almaty-akshamy.kz.
شاراعا كەڭەس مۇشەلەرى، رەسپۋبليكالىق، قالالىق كىتاپحانالار جۇيەسىنىڭ ديرەكتورلارى مەن قىزمەتكەرلەرى جانە جوعارعى وقۋ ورىندارى عىلىمي كىتاپحانالارىنىڭ جەتەكشىلەرى قاتىستى.
⠀
ق ر ۇلتتىق كىتاپحاناسىنىڭ ديرەكتورى، قازاقستاندىق كىتاپحانالىق وداقتىڭ ءتوراعاسى باقىتجامال وسپانوۆا قازاقستان رەسپۋبليكاسىنىڭ كونستيتۋسيا-سىنا ەنگىزىلەتىن وزگەرىستەرگە توقتالىپ، ونىڭ بەس ماقساتىن اتاپ كورسەتتى.
«كونستيتۋسيالىق وزگەرىستىڭ بارلىعى جالپىحالىقتىق رەفەرەندۋم ارقىلى ىسكە اسادى. پرەزيدەنت قاسىم-جومارت توقايەۆتىڭ بۇل شەشىمى قازاقستاندىقتاردىڭ مەملەكەتتىك باسقارۋعا تىكەلەي قاتىسۋىنىڭ ايقىن دالەلى. كونستيتۋسياعا ەنگىزىلگەن وزگەرىستەر جاڭا قازاقستاندى قۇرۋدىڭ قۇقىقتىق نەگىزىن نىعايتادى»، – دەپ اتاپ ءوتتى قازاقستان كىتاپحانالار وداعىنىڭ ءتوراعاسى.
ءىس-شارانىڭ مودەراتورى ق ر ۇلتتىق كىتاپحاناسىنىڭ عىلىمي حاتشىسى جۇنىسبەكوۆ بولات جۇنىسبەك ۇلى قاتىسۋشىلارعا ءسوز بەردى.
⠀
ءسوز سويلەگەندەر: زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانا ديرەكتورى ا.ق. بايۇزاقوۆ، ق ر ءبىلىم جانە عىلىم مينيسترلىگى عىلىم كوميتەتى «عىلىم ورداسى» ورتالىق عىلىمي كىتاپحاناسىنىڭ ديرەكتورى س.ش.يساقانوۆا، قىزدار ۇلتتىق پەداگوگيكالىق ۋنيۆەرسيتەتى عىلىمي كىتاپحاناسىنىڭ ديرەكتورى ب.ت.باعاشاروۆا، الماتى قالاسى جازۋشىلار كىتاپحاناسىنىڭ مەڭگەرۋشىسى ە.ج.اعايسا جانە رەسپۋبليكالىق عىلىمي-پەداگوگيكالىق كىتاپحاناسىنىڭ قىزمەتكەرى ا.ي.المابايەۆا جانە ت.ب.
وتىرىس سوڭىندا قاتىسۋشىلار رەسپۋبليكالىق رەفەرەندۋم وتكىزۋدى ءبىراۋىزدان قولداپ، وسى ايتۋلى ناۋقانعا بەلسەندى تۇردە اتسالىساتىندارىن جەتكىزدى.