«قازتەڭىزكولىكفلوتى» ۇلتتىق تەڭىز تاسىمالداۋشىسى تاعى 2 كونتەينەر تاسىمالداۋشى ساتىپ الاتىنىن اتاپ ءوتتى.
قازاقستان قۇرعاق جۇك تاسيتىن پارومداردىڭ سانىن 10-عا جەتكىزۋدى جوسپارلاپ وتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل تۋرالى ورتالىق كوممۋنيكاسيالار قىزمەتىندە وتكەن بريفينگىدە ق ر يندۋستريا جانە ينفراقۇرىلىمدىق دامۋ مينيسترلىگى كولىك كوميتەتى ءتوراعاسىنىڭ مىندەتىن اتقارۋشىسى قاسىم تىلەپوۆ ايتتى.
«قازىرگى تاڭدا اقتاۋ پورتىنداعى ءبىزدىڭ ينفراقۇرىلىمنىڭ وتكىزۋ قابىلەتى 21 ملن تونناداي بولادى. بۇل باعىتتا جۇكتىڭ كەز كەلگەن ءتۇرىن تاسىمالداي الامىز. سونداي-اق، ءبىزدىڭ ءوزىمىزدىڭ ساۋدا فلوتىمىز بار. ناقتىراق ايتساق، 4 قۇرعاق جۇك تيەۋىشىمىز بار. ءقازىر بۇل جۇك تيەۋىشتەر كاسپيي تەڭىزىندە جۇمىس ىستەپ ءجۇر»، - دەگەن كوميتەت وكىلى جىل اياعىنا دەيىن «قازتەڭىزكولىكفلوتى» ۇلتتىق تەڭىز تاسىمالداۋشىسى تاعى 2 كونتەينەر تاسىمالداۋشى ساتىپ الاتىنىن اتاپ ءوتتى.
ونىڭ سوزىنە قاراعاندا، ءقازىر كاسپييدە قۇرعاق جۇك تاسىمالداۋ ىسىندە ازەربايجاننىڭ مونوپولياسى ورناعان.
«جالپى، ءوزىمىزدىڭ پاروم فلوتىمىزدى سالساق دەگەن نيەتىمىز بار. ۇزاق مەرزىمدى كەلەشەكتە كونتەينەر تاسىمالداۋشى پارومداردىڭ سانىن 10-عا دەيىن جەتكىزسەك دەگەن جوسپارىمىز بار. ءقازىر كاسپييدە ءازىربايجان پوروحودتارى مونوپوليا ورناتقان»، - دەدى قاسىم تىلەپوۆ.
ەسكە سالساق، ق ر پرەزيدەنتى قاسىم-جومارت توقايەۆ مۇناي تاسىمالداۋدا ترانسكاسپيي باعدارىن دامىتۋدى تاپسىرعان ەدى.