قازاقستان كاسكادەرلەرى گوليۆۋدتىڭ «كيللەر كودەكسى» فيلمىنە ءتۇستى

قازاقستان كاسكادەرلارى تانىمال امەريكالىق اكتەرلارمەن فيلمگە ءتۇستى.

قازاقستاننىڭ «Nomad Stunts» كاسكادەرلەرى تانىمال امەريكالىق اكتەر سەميۋەل لەروي دجەكسونمەن بىرگە «كيللەر كودەكسى» فيلمىنە ءتۇستى، دەپ حابارلايدى Almaty-akshamy.kz قازاقپارات-قا سىلتەمە جاساپ.

گوليۆۋدتىڭ «كيللەر كودەكسى» ءفيلمى الەمدىك پروكاتقا شىقتى. وندا باستى رولدەردى سەميۋەل لەروي دجەكسون، مەگگي كيۋ جانە مايكل كيتون وينايدى. سونىمەن قاتار ءفيلمدى ءتۇسىرۋ جۇمىسىنا «Nomad Stunts» توبىنداعى قازاقستاندىق كاسكادەرلەر دە جۇمىلدىرىلعان.

«جوباعا جالپى «Nomad Stunts» توبىنىڭ 10 كاسكادەرى قاتىستى. ايتا كەتەرلىگى، كاسكادەرلەر ەكشنگە عانا جۇمىلدىرىلماي، قيىن ەپيزودتاردا باستى كەيىپكەرلەر ءرولىن سومدادى. سونىمەن قاتار ەپيزودتىق ساحنالارعا اكتەر رەتىندە دە قاتىستى»، - دەپ جازدى «Nomad Stunts» توبى Instagram-داعى پاراقشاسىندا. 

قازاقستاندىق اكتەرلەر بانديتتەردىڭ، بوسقىندار مەن وققاعارلاردىڭ، شەكاراشىلار مەن بەيبىت تۇرعىنداردىڭ رولىندە وينادى. تۋىندى رەجيسسەرى «رويال كازينوسى»، «زوررا ماسكاسى»، «جاتجۇرتتىق» سىندى فيلمدەرمەن جۇمىس ىستەگەن مارتين كەمپبەلل بولدى. ءتۇسىرىلىم جۇمىستارى رۋمىنيادا ءوتتى.