الماتىدا Red Jolbors XI ورتالىق ازيا كوممۋنيكاسيالار فەستيۆالى ءوتتى.
وندا قازاقستان «جىل مەملەكەتى» رەتىندە تانىلدى، دەپ حابارلايدى Almaty-akshamy.kz Elorda.info-عا سىلتەمە جاساپ.
فەستيۆالگە قازاقستان، وزبەكستان، قىرعىزستان، ءازىربايجاننان 450-دەن استام ادام قاتىستى. Red Jolbors اياسىندا ءبىلىم بەرۋ باعدارلاماسى ۇيىمداستىرىلىپ، ۇزدىك كوممۋنيكاسيالىق جانە جارناما شەشىمدەرى بايقاۋى ءوتتى.
بايقاۋعا ورتالىق ازيا مەن ءازىربايجاننان 360-تان استام جۇمىس ۇسىنىلدى. ءىس-شارانىڭ قورىتىندىسى بويىنشا قازاقستان «جىل مەملەكەتى» اتاندى. بۇل اتاق حالىقارالىق قازىلار القاسىنىڭ داۋىس بەرۋ ناتيجەلەرى بويىنشا ەڭ كوپ ۇپاي جيناعان ەلگە بەرىلەدى. ءازىربايجاننىڭ Endorphin كومپانياسى «جىلدىڭ ەڭ ۇزدىك اگەنتتىگى» دەپ تانىلدى. قازاقستان اتىنان قاتىسقاندارعا 50، وزبەكستانعا 24، ءازىربايجانعا 13 ماراپات تابىستالدى.
Red Jolbors-تا ءبىز ءارقاشان سالانىڭ ەڭ قىزىقتى جانە وزەكتىىماسەلەلەرىن كوتەرەمىز. جارنامالىق اگەنتتىكتەردىڭ وكىلدەرى جانە ايماعىمىزدىڭ ماركەتولوگتەرىنە تاجىريبەمىزدى ايتۋ ءۇشىن ۇزدىك ساراپشىلاردى جيناۋعا تىرىسامىز. بيىلعى كونكۋرستىڭ سپيكەرلەرى مەن قازىلار القاسى جارناما جانە ماركەتينگ سالاسىنداعى ەڭ بەدەلدى ماراپاتتاردىڭ يەگەرلەرى بولدى. بۇكىل قۇرامعا 100-گە جۋىق كانن فەستيۆالىنىڭ جۇلدەگەرلەرى، سونداي-اق، ماركەتينگ سالاسىنداعى الەمدەگى ەڭ ماڭىزدى ماراپاتتاردىڭ ءبىرى – «ەففيلىكتەر» كىردى، - دەدى Red Jolbors نەگىزىن قالاۋشى سابينا رەينگولد.
دارىستەردىڭ، سونداي-اق، پانەلدىك پىكىرتالاستاردىڭ سپيكەرلەرى ءىرى جارناما اگەنتتىكتەرىنىڭ، ەۋروپا، وڭتۇستىك كورەيا، گرۋزيا، قازاقستان، قىرعىزستان، وزبەكستان، رەسەي كومپانيالارىنىڭ وكىلدەرى بولدى. ولار وزدەرىنىڭ پراكتيكالىق تاجىريبەلەرىن اڭگىمەلەپ بەردى جانە شىعارماشىلىق يدەيالاردى ازىرلەۋ، ماركەتينگ قۇرالدارىنىڭ تيىمدىلىگى، برەندتەردىڭ ءوسۋ مۇمكىندىكتەرى، سەرىكتەستىك قۇرۋ، سيفرلىق ديزايننان كەيىنگى ديزاين، ماركەتينگتەگى مەتاۆەرستەر، TikTok-قا ميلليونداعان اۋديتوريانى تارتۋ تۋرالى ايتتى. سونداي-اق Red Jolbors-تىڭ 2022 جىلعى نەگىزگى تاقىرىپتارىنىڭ ءبىرى - ءومىر ءسۇرىپ جاتقان ورتانى جاقسى جاققا وزگەرتەتىن ESG جوبالارىن قۇرۋ جانە دامىتۋ بولدى.
سونىمەن قاتار ءىس-شارادا 3 ءتۇرلى پانەلدىك پىكىرتالاس ۇيىمداستىرىلدى. ولاردىڭ ءبىرى ورتالىق ازيا ەلدەرىندە كرەاتيۆتى ەكونوميكانى دامىتۋعا ارنالدى.