اكادەميا جەتەكشىسى ساعىمباي قوزىبايەۆ اعاشتاردى سۋعاردى.
قازاقستان جۋرناليستيكا اكادەمياسى «الاتاۋ اقپاراتتىڭ» چەللەندجىن جالعاستىردى، دەپ حابارلايدى Almaty-akshamy.kz.
ۇستىمىزدەگى جىلدىڭ جازعى ماۋسىمى ەرەكشە ىستىق بولعاندىقتان، قالاداعى اعاشتار قۋراي باستادى. وسى اعاشتاردى قۇتقارۋ ماقساتىندا «Alataý اqparat» ج ش س «اعاشتاردى ايالايىق!» چەللەندجىن قولعا الىپ، مەكەمە اينالاسىنداعى، سونداي-اق بىلتىر اباي داڭعىلىنىڭ بويىنا وزدەرى وتىرعىزعان جاسىل جەلەككە سۋ قۇيا باستادى. اتالعان چەللەندجدىڭ ماقساتى مەن مۇراتى – قالاداعى بارلىق مەكەمەنى وزىنە قاراستى، سونداي-اق جاقىن ماڭداعى اعاشتارعا قامقورلىق جاساۋعا شاقىرۋ بولعان. بۇگىن بۇل باستامانى ساعىمباي قوزىبايەۆ جالعاستىردى.
«مىنا ەكى قالالىق «الماتى اقشامى» مەن «ۆەچەرنيي الماتى» گازەتتەرىنىڭ باستاماسى وتە تاماشا دەپ ويلايمىن. ءبىزدىڭ قازاقستان جۋرناليستيكا اكادەمياسى بۇل باستامانى كولدايدى. ەكى-ۇش ايدان بەرى بايقاپ ءجۇرمىن، الماتىدا جاڭبىر از، جەر كەۋىپ بارادى. سول سەبەپتەن ءبىز باستامانى قولداپ، مىنە، ءۇيىمنىڭ جانىنداعى بەس-التى اعاشتى سۋعارۋدىڭ ءساتى ءتۇستى. بۇل اعاشتاردى ءارى قاراي دا قاراۋسىز قالدىرماي، كۇتىپ-باپتاۋ كەرەك»، – دەدى قازاقستان جۋرناليستيكا اكادەمياسىنىڭ پرەزيدەنتى.
«Almaty aqshamy» مەن «ۆەچەرنيي Almaty» گازەتتەرىنىڭ قىزمەتكەرلەرى قولدارىنا شەلەك الىپ، جاقسى ءىستى باستاپ تا كەتتى. وسى ورايدا، وزگە ارىپتەستەرىمىزدى دە چەللەندجدى جالعاستىرۋعا شاقىرامىز. ايتا كەتەيىك، «Alataý اqparat» ىزگى باستامانى قازاقستان جۋرناليستەر وداعىنا، «ۆەچەرنيي Almaty» – «نوۆوە پوكولەنيە» گازەتىنە، ال «Almaty aqshamy» – «قازاق ءۇنى» گازەتىنە جولدانعان بولاتىن.