ەلىمىزگە تاۋىق جۇمىرتقاسىن كولىكپەن تاسىمالداۋعا جارتى جىلعا تىيىم سالىنباق.
اۋىل شارۋاشىلىعى مينيسترلىگى وسىنداي بۇيرىق جوباسىن ازىرلەدى، دەپ حابارلايدى اlmaty-akshamy.kz
قۇجات ءقازىر اشىق تالقىلاۋعا شاعىرىلعان. وعان ساي ەلىمىزدە جۇمىرتقا يمپورتىن شەكتەۋ كوزدەلگەن. مينيسترلىكتىڭ حابارلاۋىنشا، بۇل وتاندىق شارۋالاردى قولداۋ ءۇشىن جاسالىپ وتىر. ونىڭ ۇستىنە ءقازىر بىزدە 56 ميلليوننان استام قۇس بار. الدىڭعى جىلدارمەن سالىستىرعاندا 15 پايىزداي كوبەيگەن. ال بىلتىر وندىرىلگەن جۇمىرتقا سانى 5 ميللياردقا تاياۋ. بۇل ىشكى نارىقتى قامتۋعا جەتكىلىكتى دەيدى ماماندار. تىيىم ءبىرىنشى مامىردان باستاپ ارەكەت ەتپەك.