قازاقستان جول اپاتىنان قازا تاپقاندار سانى بويىنشا الەمدە العاشقى ۇشتىكتە تۇر، - دەپ حابارلايدى aqshamnews.kz ءتىلشىسى "كتك" تەلەارناسىنا سىلتەمە جاساپ.
بيىل ەلىمىزدە 15 مىڭنان اسا جول-كولىك وقيعاسى تىركەلگەن. سونىڭ سالدارىنان 1600 ادام اجال قۇشىپ، 35 مىڭنان استامى ءتۇرلى جاراقات الىپتى. جولداعى اجال سانىنان رەسەي مەن اقش كوش باستاپ تۇر. ءۇشىنشى ورىندا قازاقستان تۇر. بۇل ستاتيستيكانى بۇۇ-عا قاراستى ەۋروپالىق ەكونوميكالىق كوميسسيا جاريالادى.
زەرتتەۋگە سايكەس، جول اپاتتارىنىڭ 90% جۋىعىنا جۇرگىزۋشىلەردىڭ قاتەلىگى سەبەپ بولادى ەكەن. اسىرەسە جىلدامدىقتى شامادان تىس اسىرۋ تالاي جاننىڭ ولىمىنە اكەلگەن. ال جول-كولىك وقيعالارىنىڭ قالعان 10%-ى جاياۋ جۇرگىنشىلەردىڭ جول ەرەجەسىن ساقتاماۋىنان بولعان.