كيىز ۇيلەرمەن قوسا گۋمانيتارلىق جۇكتەر بار
قازاقستاننان تۇرىك جۇرتىنا كومەك رەتىندە جىبەرىلگەن كيىز ۇيلەر تيەلگەن 8 اۆتوكولوننا يندجيرليك اۋە بازاسىنان كاحرامانماراشقا قاراي جول تارتتى، دەپ حابارلايدى Almaty-akshamy.kz قازاقپارتقا سىلتەمە جاساپ.
«ءزىلزالادان زارداپ شەككەن تۇرىك جۇرتى كيىز ۇيلەردى اسىعا كۇتۋدە. سەبەبى بۇل وڭىردەگى تۇرعىنداردىڭ باسىم بولىگى باسپاناسىز قالدى»، - دەدى قازاقپارات ءتىلشىسى.
ءتىلشىنىڭ حابارلاۋىنشا، كيىز ۇيلەرمەن قوسا قازاقستان جىبەرگەن گۋمانيتارلىق جۇكتەر بار.
ەسكە سالساق، بۇعان دەيىن تۇركيا حالقىنا كومەك كورسەتۋ ماقساتىندا كاحرامانماراش قالاسىندا قازاقستاندىقتار بىرنەشە كيىز ءۇي ورناتا باستادى. بۇعان دەيىن قازاقستاندىقتاردىڭ تۇركيا حالقىنا 100-گە جۋىق كيىز ءۇي جىبەرەتىنى تۋرالى حابارلاعان ەدىك.