قازاقستان جاھاندىق باسەكەگە قابىلەتتىلىك رەيتينگىندە 35ء-شى ورىنعا يە بولدى.
قازاقستاننىڭ نيدەرلاندىداعى ەلشىسى اسقار جۇماعالييەۆ كورولدىك يندۋستريالىق كلۋب مۇشەلەرىن ينۆەستيسيالاۋ ءۇشىن قىزىقتى سەكتورلارمەن، سونداي-اق مەملەكەتتىڭ ودان ارعى دامۋ باعىتى جونىندەگى جوسپارلارىمەن تانىستىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ديپلومات قازاقستان بيزنەس ءۇشىن كۇشتى جانە باسەكەگە قابىلەتتى ورتا قۇرۋعا ەرەكشە نازار اۋداراتىنىن اتاپ ءوتتى. ءوز ءسوزىن راستاۋ رەتىندە ول جاھاندىق باسەكەگە قابىلەتتىلىك رەيتينگىسىن مىسالعا كەلتىردى، وندا قازاقستان 35ء-شى ورىنعا يە بولدى.
«دۇنيەجۇزىلىك بانكتىڭ سوڭعى ەسەبىنە سايكەس، قازاقستان بيزنەس جۇرگىزۋ بويىنشا 190 ەلدىڭ ىشىندە 25ء-شى ورىندا»، - دەدى ا.جۇماعالييەۆ.
ەلشى سالىق جەڭىلدىكتەرى تۋرالى حابارلاپ، الەۋەتتى ينۆەستورلاردىڭ نازارىن اۋداردى.
«مەن بۇرىن ايتىپ وتكەن قارجىلىق جانە ەكونوميكالىق تۇراقتىلىقتان باسقا، ەل ءتۇرلى سالالاردا جان-جاقتى مەملەكەتتىك قولداۋ ۇسىنادى. ءبىز كورپوراتيۆتى تابىس سالىعىنان، جەر سالىعىنان، مۇلىك سالىعىنان بوساتۋ جانە فيسكالدىق ەمەس ىنتالاندىرۋ: جەر ۋچاسكەسى مەن ينفراقۇرىلىم سياقتى سالىقتىق جەڭىلدىكتەردى قامتيتىن ينۆەستيسيالىق جوبالارعا قولداۋ كورسەتەمىز»، - دەدى ول.
ديپلومات سونداي-اق ينفراقۇرىلىم مەن ينۆەستيسيالىق پرەفەرەنسيالاردىڭ كەڭ سپەكترىن ۇسىناتىن بۇكىل قازاقستان بويىنشا ورنالاسقان 13 ارنايى ەكونوميكالىق ايماق، 36 ونەركاسىپتىك ايماق تۋرالى ايتىپ ءوتتى. ا.جۇماعالييەۆ اتاپ وتكەندەي، قازاقستاندا ەۋرازيالىق ەكونوميكالىق وداق ەلدەرىن، جۇڭگو مەن كاسپيي باسسەينىن قوسا العاندا، ميللياردتان استام تۇتىنۋشىلاردىڭ نارىققا تىكەلەي قولجەتىمدىلىگى بار. سونىمەن قاتار، ەلدە كولىك ينفراقۇرىلىمى جاقسى دامىعان.
«مەنىڭ ويىمشا، بۇل سەبەپتەر قازاقستاننىڭ ينۆەستورلار ءۇشىن نەلىكتەن تارتىمدى ەكەنىنە جاۋاپ بولا الادى. سوندىقتان نيدەرلاند قازاقستانداعى ءبىرىنشى ءنومىرلى شەتەلدىك ينۆەستور دەپ ويلايمىن. پاتشالىق ءبىزدىڭ ەلگە 105 ميلليارد دوللاردان استام ينۆەستيسيا سالدى»، - دەپ تۇيىندەدى ول.
كورولدىك كلۋب مۇشەلەرى پرەفەرەنسيالاردان باسقا، كادر ماسەلەلەرى، اعىلشىن ءتىلىن مەڭگەرۋ دەڭگەيى، قازاقستاننىڭ كليماتتىق ەرەكشەلىكتەرى جانە ەلدە جۇرگىزىلىپ جاتقان رەفورمالار تۋرالى الاڭدادى. اسقار جۇماعالييەۆ رەفەرەندۋم، ونى وتكىزۋ ناتيجەلەرى جانە كونستيتۋسياعا ەنگىزىلەتىن تۇزەتۋلەرگە اكەپ سوقتىراتىن وزگەرىستەر تۋرالى دا حاباردار ەتتى.