قازاقستان يمپورتتىق قانتقا تاۋەلدى

ەلدەگى جەتى قانت زاۋىتىنىڭ بۇگىندە تورتەۋى عانا جۇمىس ىستەپ تۇر.

پرەزيدەنت ۇكىمەتتىڭ كەڭەيتىلگەن وتىرىسىندا ەلدەگى قانت تاپشىلىعى ماسەلەسىنە توقتالدى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.

«بۇعان دەيىن پايدالانۋعا بەرىلگەن جەتى قانت زاۋىتىنىڭ بۇگىندە تورتەۋى عانا جۇمىس ىستەپ تۇر (الماتى مەن جامبىل وبلىستارىندا)، ولاردىڭ تەك ۇشتەن ءبىرى (31 پايىز) جۇمىس ىستەيدى. اۋىل شارۋاشىلىعى مينيسترلىگى 2026 جىلعا قاراي قىزىلشا قانتىنىڭ ۇلەسىن 6 ەسەگە (7-دەن 43 ايىزعا دەيىن) ارتتىرۋدى جوسپارلاپ وتىر. دەگەنمەن، سوڭعى ءتورت جىلدا قانت قىزىلشاسىنىڭ القاپتارى ۇشتەن بىرگە قىسقاردى»، - دەدى پرەزيدەنت ۇكىمەتتىڭ كەڭەيتىلگەن وتىرىسىندا.

مەملەكەت باسشىسى 90 پايىز يمپورتتىق قانتقا تاۋەلدى ەكەنىنىمىزدى ايتتى.

«بۇل جەردە ەاەو اياسىنداعى شەشىمدەرگە سىلتەمە جاساۋعا بولادى، ءبىراق بۇل، قالاي بولعاندا دا، ۇكىمەتتىڭ ساناۋداعى قاتەلىگى. بۇل ولاردىڭ مەملەكەتتىڭ ۇستانىمىن قورعاماعانىن بىلدىرەدى. ۇكىمەت تەز ارادا قانت ونەركاسىبىن دامىتۋدىڭ جەكە سالالىق جوباسىن ازىرلەۋى قاجەت. ماقسات – يمپورتقا تاۋەلدىلىكتى ايتارلىقتاي تومەندەتۋ، ءوزىن-وزى قامتاماسىز ەتۋگە كەزەڭ-كەزەڭىمەن كوشۋ. بۇل سالاعا وتاندىق جانە شەتەلدىك ينۆەستورلار تاراپىنان قىزىعۋشىلىق ايتارلىقتاي جوعارى، دۇرىس تاسىلدەر قاجەت. بۇل باسقالارمەن قاتار ىشكى ساياسي ءمانى بار پرينسيپتىك ماسەلە»، - دەدى توقايەۆ.