ۇلتتىق ستاتيستيكا بيۋروسىنىڭ دەرەگىنە سايكەس، 2026 جىلعى 1 قاڭتارداعى جاعداي بويىنشا قازاقستان حالقىنىڭ سانى 20 495 975 ادامعا جەتتى، دەپ حابارلايدى Aqshamnews.kz ءتىلشىسى.
ەلدە حالقى 2 ميلليوننان اساتىن ەكى ءوڭىر تىركەلگەن: الماتى قالاسى (2 347 924) جانە تۇركىستان وبلىسى (2 148 658). ال 1 ميلليوننان اساتىن وڭىرلەر قاتارىندا استانا (1 638 233)، الماتى وبلىسى (1 596 331)، شىمكەنت (1 293 648)، جامبىل وبلىسى (1 215 373) جانە قاراعاندى وبلىسى (1 131 287) بار.
ەڭ از حالىق سانى ۇلىتاۋ وبلىسىندا بايقالعان — 218 993 ادام. سونىمەن قاتار كوشى-قون ەسەبىنەن حالىقتىڭ ازايۋى جامبىل، قوستاناي، سولتۇستىك قازاقستان، تۇركىستان، شىعىس قازاقستان، قاراعاندى وبلىستارىندا جانە اباي، جەتىسۋ، ۇلىتاۋ وبلىستارىندا تىركەلگەن.
ستاتيستيكاعا ساي، قالا حالقى 13 029 803، ال اۋىل حالقى 7 466 172 ادام بولدى.