الداعى بىرنەشە كۇندە قازاقستاندا اۋا رايى قۇبىلمالى بولادى، دەپ حابارلايدى Aqshamnews.kz ءتىلشىسى.
سينوپتيكتەردىڭ مالىمەتىنشە، الداعى ءۇش تاۋلىكتە قازاقستان اۋماعىنىڭ باسىم بولىگى سيكلوندىق قىزمەتتىڭ ىقپالىندا بولادى، سوعان بايلانىستى جاۋىن-شاشىندى اۋا رايى كۇتىلەدى. كەيبىر كۇندەرى قاتتى جاۋىن-شاشىن (جاڭبىر، قار)، كوكتايعاق، تۇمان، بۇرقاسىنمەن بىرگە ەكپىندى جەل بولجانادى.
سونىمەن قاتار وڭتۇستىك-باتىس باعىتتاعى جىلى اۋا ماسسالارىنىڭ كەلۋى سالدارىنان كۇندىز اۋا تەمپەراتۋراسى سولتۇستىكتە 0-7°س ايازعا دەيىن، باتىستا، سولتۇستىك-باتىستا جانە ورتالىقتا 5°س ايازدان 2°س جىلۋعا دەيىن، وڭتۇستىكتە 8-17°س جىلۋعا دەيىن، وڭتۇستىك-شىعىستا 5-15°س جىلۋعا دەيىن كوتەرىلەدى.
"4 اقپاننان باستاپ ەلدىڭ باتىس وڭىرلەرىندە اۋا رايىن سكانديناۆيالىق انتيسيكلون قالىپتاستىرادى، ونىڭ اسەرىنەن تۇندە اۋا تەمپەراتۋراسى 20-28°س ايازعا دەيىن تومەندەيدى"، – دەلىنگەن سينوپتيكتەر بولجامىندا.