ءۇش ايماقتا حالىق سانى 2 ميلليوننان استى.
ۇلتتىق ستاتيستيكا بيۋروسى 2009 جىلدان 2021 جىلعا دەيىن قازاقستان حالقى قانشا پايىز وسكەنىن ايتتى، دەپ حابارلايدى Almaty-akshamy.kz
Stat.gov.kz سايتىندا جاريالانعان 2021 جىلعى حالىق ساناعىنىڭ تۇپكىلىكتى قورىتىندىسىنا ساي، 2009 جىلدان بەرى قازاقستاندىقتاردىڭ سانى 20% ارتقان.
"2009 جىلعى سوڭعى ساناقتان بەرى قازاقستان حالقى 20% ءوستى. وسىلايشا، 2021 جىلعى 1 قىركۇيەكتەگى ساناقتىڭ قورىتىندىسى بويىنشا حالىق سانى 19 186 015 ادام بولدى"دەلىنگەن ۇلتتىق ستاتيستيكا باسقارماسى تاراتقان مالىمەتتە.
ءۇش ايماقتا حالىق سانى 2 ميلليون ادامنان استى:
الماتى وبلىسىندا 2 146 576،
تۇركىستان وبلىسىندا 2 054 021،
الماتىدا 2 030 285.
سونىمەن بىرگە ۇلتتىق ستاتيستيكا بيۋروسى ساناق ارالىق كەزەڭدە حالىق سانىنىڭ ەڭ ۇلكەن ءوسىمى مىنا وڭىلەردە بايقالعانىن ايتتى:
استانادا ەكى ەسە (613 مىڭنان 1234 مىڭ ادامعا دەيىن)،
شىمكەنتتە 1،5 ەسە (730 مىڭنان 1112،4 مىڭ ادامعا دەيىن)،
ماڭعىستاۋ وبلىسىندا 1،5 ەسە (485 مىڭنان 735 مىڭ ادامعا دەيىن).
مەملەكەت باسشىسى قاسىم-جومارت توقايەۆ 1 قىركۇيەكتە قازاقستان حالقىنا جىل سايىنعى جولداۋىندا 2023 جىلدىڭ سوڭىنا قاراي ەل حالقىنىڭ سانى 20 ميلليونعا جەتەتىنىن ايتتى.