قايىربەك سۇلەيمەنوۆ «قازاقستان حالقىنا» قورى قامقورشىلىق كەڭەسىنىڭ ءتوراعاسى بولىپ قايتا سايلاندى، دەپ حابارلايدى Almaty-akshamy.kz.
قامقورشىلىق كەڭەس ءتوراعاسىنىڭ وكىلەتتىك مەرزىمىنىڭ اياقتالۋىنا بايلانىستى، قور جارعىسىنىڭ 5.6-تارماعىنا سايكەس اشىق داۋىس بەرۋ ناتيجەسىندە قايىربەك سۇلەيمەنوۆ ءبىر اۋىزدان «قازاقستان حالقىنا» قوعامدىق قورى قامقورشىلىق كەڭەسىنىڭ ءتوراعاسى بولىپ قايتا سايلاندى.
قايىربەك سۇلەيمەنوۆ - كورنەكتى مەملەكەت جانە قوعام قايراتكەرى، حالىق قاھارمانى، «اتامەكەن» ۇكپ كاسىپكەرلەردىڭ قۇقىعىن قورعاۋ جانە سىبايلاس جەمقورلىققا قارسى ءىس-قيمىل كەڭەسىنىڭ ءتوراعاسى. 2022 جىلدىڭ قاڭتارىنان باستاپ قوردىڭ قامقورشىلىق كەڭەسىنىڭ مۇشەسى، 2022 جىلدىڭ ماۋسىمىندا قامقورشىلىق كەڭەستىڭ ءتوراعاسى بولىپ سايلاندى.
ەسكە سالساق، قامقورشىلىق كەڭەس - قوردىڭ جوعارى باسقارۋ ورگانى جانە قور قىزمەتىنىڭ جارعىلىق ماقساتتارىنا سايكەستىگىن باقىلاۋدى جۇزەگە اسىرادى. كەڭەس قور قىزمەتىنىڭ ستراتەگيالىق باعىتتارى مەن ونىڭ مىندەتتەرىن ايقىندايدى، بيۋدجەتتى بەكىتەدى، باسقا دا باقىلاۋ جانە ۇيىمداستىرۋ فۋنكسيالارىن جۇزەگە اسىرادى. قامقورشىلىق كەڭەس مۇشەلەرى ءوز قىزمەتىن قوعامدىق نەگىزدە اتقارادى.