باعدارلاماعا قاتىسۋدىڭ شەكتى جاسى تولىق 29 جاستى قۇرايدى
«قازاقستان حالقىنا» قوعامدىق قورى قايىرىمدىلىق باعدارلاماسى اياسىندا باكالاۆريات باعدارلامالارى بويىنشا 850 ءبىلىم بەرۋ گرانتىن ءبولدى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
ءبىلىم بەرۋ گرانتىنا كىمدەر ۇمىتكەر بولا الادى:
- اۋىلدىق جەرلەردەگى، شاعىن جانە مونوقالالارداعى از قامتىلعان وتباسىلار؛
- جەتىم بالالار نەمەسە كامەلەتكە تولعانعا دەيىن اتا-اناسىنىڭ قامقورلىعىنسىز قالعان بالالار؛
- مۇگەدەكتىگى بار ازاماتتار؛
- مۇگەدەك بالالاردى تاربيەلەپ وتىرعان وتباسىلار؛
- 2022 جىلعى قايعىلى قاڭتار وقيعالارى كەزىندە قازا تاپقان قازاقستان رەسپۋبليكاسى ازاماتتارىنىڭ بالالارى؛
- 2022 جىلعى قايعىلى قاڭتار وقيعالارى كەزىندە جارالانعان بالالار؛
- توتەنشە جاعدايلار كەزىندە زارداپ شەككەن قازاقستان رەسپۋبليكاسىنىڭ قازا تاپقان ازاماتتارىنىڭ بالالارى (قوردىڭ قامقورشىلىق كەڭەسىنىڭ شەشىمى نەگىزىندە).
باعدارلاماعا قاتىسۋدىڭ شەكتى جاسى تولىق 29 جاستى قۇرايدى.ءبىلىم بەرۋ گرانتىنىڭ يەگەرلەرىنە وقۋ جىلىنا 1 ميلليون تەڭگەگە دەيىن وقۋ اقىسى تولەنەدى جانە بۇكىل وقۋ مەرزىمى ىشىندە 40 000 تەڭگە مولشەرىندە اي سايىنعى شاكىرتاقى تولەنەدى. شاكىرتاقى جازعى دەمالىس كەزەڭىن قوسپاعاندا، 10 اي ىشىندە (جىل سايىن) تولەنەدى.
گرانت، جوعارى وقۋ ورىندارىنىڭ ءتىزىمى جانە گرانت سانى بويىنشا تولىق ماعلۇماتپەن مىنا سىلتەمە بويىنشا تانىسا الاسىز.