اۋىل تۇرعىندارىنىڭ قارتايۋ يندەكسى قالالىقتارعا قاراعاندا 4،9 تارماققا تومەن
2021 جىلى قازاقستاننىڭ وڭىرلەرىندە حالىقتىڭ قارتايۋ يندەكسى 26،6 بولدى. بۇل ەلىمىزدە 0 بەن 15 جاس ارالىعىنداعى ءار 100 بالاعا 65 جاستان اسقان 26،6 ازامات كەلەدى دەگەن ءسوز، دەپ حابارلايدى Almaty-akshamy.kz Zakon.kz-كە سىلتەمە جاساپ
ۇلتتىق ستاتيستيكا بيۋروسى بەس جىل بۇرىن، 2017 جىلى بۇل كورسەتكىش 25،9 دەڭگەيىندە بولعانىن مالىمدەدى. سونىمەن قاتار قازاقستاننىڭ قالالارىندا قارتايۋ دەڭگەيى اۋىلدى جەرلەرگە قاراعاندا جوعارى – 28،7.
«2019-2020 جىلدار ارالىعىندا قالا يندەكسى 29،1-گە باعالاندى. وڭىرلەر اراسىندا ەڭ جوعارى كورسەتكىش سولتۇستىك قازاقستاندا، يندەكس 66،5 بولدى. شىمكەنت ەڭ جاس قالا بولىپ شىقتى، 100 بالاعا 65 جاستان اسقان 14،3 ادام كەلەدى. ەلوردا حالقى دا سالىستىرمالى تۇردە جاس، نۇر-سۇلتاندا بۇل كورسەتكىش 17،3»،-دەلىنگەن حابارلامادا.
اۋىل تۇرعىندارىنىڭ قارتايۋ يندەكسى قالالىقتارعا قاراعاندا 4،9 تارماققا (23،9) تومەن. كورسەتكىش بەس جىلدا شامالى وزگەردى. 2017 جىلى 100 بالاعا 22،4 ەرەسەك ادامنان كەلەتىن ەدى.