قازاقستاندىقتار بۋرگەرلەردى تۇتىنۋ كورسەتكىشى جونىنەن ورتالىق ازيادا كوش باستاپ تۇر.
مۇنداي ەسەپتى Glovo كومپانياسى جاساعان، دەپ حابارلايدى Almaty-akshamy.kz.
Ulysmedia.kz اقپاراتىنا سۇيەنسەك، رەسپۋبليكا ۇلەسىنە وڭىرلىك تۇتىنۋدىڭ جالپى كولەمىنىڭ 47%-ى تيەسىلى.
سونىمەن قاتار، قازاقستان بۋرگەرلەردى ەڭ كوپ تۇتىناتىن ەلدەردىڭ الەمدىك رەيتينگىندە يسپانيا، يتاليا، رۋمىنيا، پولشا جانە پورتۋگاليادان كەيىن التىنشى ورىندا تۇر. الايدا، ەگەر شاعىن جانە ورتا بيزنەس (شوب) كاسىپورىندارىن عانا نازارعا الساق، قازاقستان 2022 جىلى بۋرگەرلەردى الەمدىك تۇتىنۋدىڭ 31%-نا تەڭ كورسەتكىشپەن الەمدە ءۇشىنشى ورىنعا كوتەرىلەدى. بۇل ەلدە تۇتىنىلاتىن گامبۋرگەرلەردىڭ 20%-ىن شاعىن بيزنەس وندىرەدى.
قازاقستاندىقتار بۋرگەرلەردى تۇسكى اس كەزىندە دە، كەشكى اس كەزىندە دە تۇتىنادى. ءبىراق كەشكى اس كەزىندە، اسىرەسە، كەشكى ساعات 19:00-دەن كەيىن تۇتىنۋ كورسەتكىشى ءبىرشاما جوعارى. ورتاشا العاندا، گامبۋرگەرلەردىڭ 35%-ى كۇن سايىن 18:00-دەن 21:00-گە دەيىنگى ارالىقتا تۇتىنىلادى، ال تۇتىنۋدىڭ 27%-ى 12:00-دەن 15:00-گە دەيىنگى ۋاقىتقا تۇسپا-تۇس كەلەدى.
قالالارعا كەلەتىن بولساق، ەڭ جوعارى كورسەتكىشتەردى الماتى (جالپى جىلدىق تۇتىنۋدىڭ 70،6%-ى)، استانا — 11،7% جانە شىمكەنت — 8،87% كورسەتتى. ءبىراق بۋرگەرلەردى تۇتىنۋ 2021 جىلمەن سالىستىرعاندا ەڭ كوپ وسكەن قالالارعا نازار اۋداراتىن بولساق، اقتاۋ (+170%)، اتىراۋ (+150%) جانە پاۆلودار (+99%) قالالارىن اتاپ ءوتۋ قاجەت.