فۋتبولدان قازاقستان چەمپيوناتىنىڭ 14-تۋرىندا «تۇران» تۇركىستاندا ورالدىڭ «اقجايىعىن» قابىلدادى، دەپ حابارلايدى Almaty-akshamy.kz Inform.kz-كە سىلتەمە جاساپ.
قوس كوماندا دا ءبىرىنشى ليگاعا ءتۇسىپ قالاتىن ءقاۋىپتى ايماقتا تۇرعاندىقتان، ۇپاي اۋاداي قاجەت ەدى. وتكەن جىلعى بىرىنشىلىكتە «اقجايىق» تۇركىستاندا 2:0 ەسەبىمەن جەڭىسكە جەتىپ، ورالدا 1:1 ەسەبىمەن تەڭ ويناعان ەدى.
بۇل جولى ءبىرىنشى تايمنىڭ 25-مينۋتىندا «اقجايىق» ساپىنداعى برازيليالىق رافاەل سابينونىڭ باسىنا تيگەن دوپ رەسەيلىك ستەپان سيكاچ قورعاعان قاقپاعا كىرىپ كەتتى. ەكىنشى كەزەڭدە 52-مينۋتتا ورالدىقتار ۇيىمداستىرعان شابۋىلدان كەيىن كوماندا كاپيتانى، رەسەيلىك سەرگەي شۋستيكوۆ دوپتى توقتاتپاستان ءدال تەبە ءبىلدى – 1:1. بۇدان كەيىن ەسەپ وزگەرگەن جوق. 12 ۇپايدان جيناعان «تۇران» مەن «اقجايىق» 12ء-ىنشى جانە 13-ورىنداردا قالدى.
بۇل تۋردا «اقسۋدى» 5:0 ەسەبىمەن ويسىراتا ۇتقان «استانا» كومانداسى 24 ۇپايمەن تۋرنير كەستەسىندە كوش باستادى. كەلەسى تۋردا باتىسقازاقستاندىق كلۋب 25 ماۋسىمدا ءوز الاڭىندا «ورداباسىنى» (شىمكەنت) قابىلداسا، ءبىر كۇننەن كەيىن تۇركىستاندىقتار اقتاۋدا «كاسپييمەن» كەزدەسەدى.