قازاقستان فرانسيامەن ۆيزالىق راسىمدەردى جەڭىلدەتۋ ماسەلەسى بويىنشا كەلىسسوزدەر جۇرگىزىپ جاتىر، كەلەسى ايدا (اقپاندا) ەكىنشى راۋند وتەدى، دەپ حابارلايدى Aqshamnews.kz ءتىلشىسى.
2026 جىلعى 22 قاڭتاردا سەنات قازاقستان مەن فرانسيا اراسىنداعى زاڭسىز ميگرانتتاردى ءوز ەلىنە قايتارۋ (رەادميسسيا) جونىندەگى كەلىسىمدى ماقۇلدادى.
تالقىلاۋ كەزىندە دەپۋتات سەرگەي ەرشوۆ بۇل قۇجات ۆيزالىق رەجيمدى جەڭىلدەتۋگە اسەر ەتە مە دەگەن سۇراق كوتەردى. سىرتقى ىستەر ءمينيسترىنىڭ ورىنباسارى الىبەك باقايەۆ ۆيزانى جەڭىلدەتۋ بويىنشا پروسەدۋرا باستالعانىن ايتىپ، اقپاندا ەكىنشى راۋند كەلىسسوز وتەتىنىن مالىمدەدى.
ونىڭ سوزىنشە، ەو باعىتىنداعى جۇمىس ەكى بلوكقا بولىنەدى: ءبىرى — رەادميسسيا، ەكىنشىسى — ۆيزالىق راسىمدەردى جەڭىلدەتۋ.
رەادميسسيا — مەملەكەتتەردىڭ زاڭسىز جۇرگەن ازاماتتاردى/شەتەلدىكتەردى قابىلداپ الۋ ءتارتىبىن رەتتەيتىن كەلىسىمدەر جۇيەسى. ايتا كەتەيىك، بۇعان دەيىن قازاقستان مەن ەۋروپالىق وداق ۆيزانى جەڭىلدەتۋ بويىنشا كەلىسسوزدەردى باستاپ، كەلەسى كەزەڭنىڭ 2026 جىلعى اقپاندا وتەتىنىن حابارلاعان.