2024 جىلعى ەۋروپا چەمپيوناتىنىڭ ىرىكتەۋ كەزەڭى اياسىندا «استانا ارەنادا» قازاقستان مەن فينليانديا قۇرامالارى اراسىندا فۋتبول ماچى ءوتتى.
H توبىنىڭ كوشباسشىلارى اراسىنداعى جەكپە-جەك 1:0 ەسەبىمەن فينليانديا قۇراماسىنىڭ پايداسىنا شەشىلدى، دەپ حابارلايدى almaty-akshamy.kz
بۇل ويىنعا حالىق كوپ جينالدى، بيلەتتەر الدىن الا ساتىلىپ كەتكەن.
كەزدەسۋدىڭ 6-مينۋتىندا-اق ءباحتيور زاينۋتدينوۆ الاڭ يەلەرىنىڭ پايداسىنا ەسەپ اشۋى مۇمكىن ەدى، الايدا ونىڭ سوققىسى قاقپادان اسىپ كەتتى. ودان كەيىن فينليانديا قۇراماسىنىڭ ۇزدىك شابۋىلشىسى تەەمۋ پۋكي قاقپامىزعا ەكى رەت ءقاۋىپتى سوققى جاسادى. سيرەك كەزدەسەتىن قارىمتا شابۋىلدارمەن جاۋاپ بەرگەن كوماندالار ەسەپ اشپاي ۇزىلىسكە شىقتى.
ەكىنشى تايمدا 78-مينۋتتا وليۆەر انتمان قازاقستان كومانداسىنىڭ قورعانىسىنىڭ وسال تۇسىن تاۋىپ، ەسەپ اشتى. بۇل وسى ويىنداعى فينلياندياعا جەڭىس اكەلگەن جالعىز گول بولىپ ن توبىنداعى كوشباسشىنى ايقىنداپ بەردى. ءقازىر فينليانديا قۇراماسىندا 12 ۇپاي بار، ماگومەد ادييەۆتىڭ شاكىرتتەرى 9 ۇپايمەن 2-ورىندا.
قازاقستان كەلەسى كەزدەسۋىن 10 قىركۇيەكتە سولتۇستىك يرلانديامەن وتكىزەدى.