كەشە كەشكە وڭتۇستىك كورەيا پرەزيدەنتى ەلدە اسكەري جاعداي ەنگىزىلەتىنىن مالىمدەدى.
قازاقستاننىڭ كورەيا رەسپۋبليكاسىنداعى ەلشىلىگى ساياسي احۋالعا بايلانىستى مالىمدەمە تاراتتى، دەپ حابارلايدى aqshamnews.kz
“قۇرمەتتى قازاقستان رەسپۋبليكاسىنىڭ ازاماتتارى! كورەيا رەسپۋبليكاسى پرەزيدەنتى يۋن سوك ءولدىڭ اسكەري جاعداي ەنگىزۋىنە بايلانىستى كورەيا رەسپۋبليكاسىندا جۇرگەن قازاقستان رەسپۋبليكاسىنىڭ ازاماتتارىن سابىرلىق ساقتاپ، جەرگىلىكتى بيلىكتىڭ ۇسىنىستارىن ورىنداۋعا جانە كوپشىلىك ءىس-شارالاردان اۋلاق بولۋعا شاقىرامىز. قازاقستان رەسپۋبليكاسىنىڭ ازاماتتارى ءۇشىن توتەنشە جاعداي تۋىنداعان جاعدايدا، جەدەل بايلانىس ءۇشىن +8210-6572-9311 تەلەفونى ارقىلى ەلشىلىككە حابارلاسۋلارىڭىزدى سۇرايمىز!” - دەلىنگەن رەسمي حابارلامادا.
كەشە كەشكە ەلدە اسكەري جاعداي ەنگىزىلەتىنىن مالىمدەگەن وڭتۇستىك كورەيا پرەزيدەنتى مۇنى ەلدىڭ قاۋىپسىزدىگىنە ءقاۋىپ توندىرەتىن جانە كونستيتۋسيالىق تارتىپكە نۇقسان كەلتىرەتىن «مەملەكەتكە قارسى كۇشتەرمەن» كۇرەسۋگە باعىتتالعان شارا دەپ ءتۇسىندىردى.
وسىدان كەيىن ەلدە دۇربەلەڭ باستالىپ، پرەزيدەنتكە قارسى نارازىلىق شارالارى ءجۇرىپ جاتتى.
اسكەري جاعدايعا قارسىلار پرەزيدەنتتى كونستيتۋسيانى بۇزدى جانە بيلىكتى تارتىپ الماق بولدى دەپ ايىپتادى. ۇزاماي كورەيا رەسپۋبليكاسىنىڭ ۇلتتىق اسسامبلەياسى (پارلامەنت) اسكەري جاعدايدى الىپ تاستادى.