قازاقستان دەپ قويدىم اتىڭدى...

ەلىمىزدە قازاقستان ەسىمدى 24 ادام تۇرادى ەكەن

2021 جىلدىڭ 1 قازانىنداعى مالىمەت بويىنشا، ەلىمىز حالقىنىڭ سانى 19،1 ملن ادامدى قۇرادى. بۇل وتكەن جىلمەن سالىستىرعاندا 1،3% كوپ. 2020 جىلدىڭ وسى كەزەڭىندە ەلدە 18،8 ملن ادام بولدى، دەپ حابارلايدى almaty-akshamy.kz ranking.kz سايتىنا سىلتەمە جاساپ.

وڭىرلەردى جەكە قاراستىرعاندا، تۇرعىنداردىڭ باسىم بولىگى الماتى وبلىسىندا تۇرادى: 2،1 ملن ادام. توپ-3-كە تۇركىستان وبلىسى (2،1 ملن ادام) جانە الماتى قالاسى (2 ملن ادام) كىرگەن.

ەڭ از ادام سولتۇستىك قازاقستان وبلىسىندا تىركەلگەن: 539،4 مىڭ ادام. 2021 جىلدىڭ 18 قاراشاسىنداعى جاعداي بويىنشا، ەلدە قازاقستان ەسىمدى 24 ادام تۇرادى. قازاقستان ەسىمدى ادامداردىڭ باسىم بولىگى اقمولا وبلىسى مەن ەلوردادا تۇرادى – ءار وڭىردە 6 تۇرعىننان بار. بۇدان بولەك، قاراعاندى وبلىسىندا – ءتورت، قوستاناي وبلىسىندا – ءۇش، شىمكەنت قالاسىندا – ەكى، الماتى، باتىس قازاقستان جانە ماڭعىستاۋ وبلىستارىندا بىر-بىردەن قازاقستان ەسىمدىلەر تۇرادى.

قازاقستاندىقتار بالالارىنا ەلىمىزدىڭ ءىرى قالالارىنىڭ اتتارىن دا بەرگەن (قر-دا ولاردىڭ 18ء-ى تۇرادى).

ەلىمىزدە 28 – سەمەي، 21 — الماتى، 18 تۇركىستان ەسىمدى ادام بار.