جەڭىمپاز 5 ملن تەڭگەگە يە بولدى
ساكەن مايعازييەۆتىڭ شاكىرتى قۇرالاي مەيرامبەك «Qazaqstan داۋىسى» جوباسىنىڭ 2021 جىلعى جەڭىمپازى اتانىپ، 5 ملن تەڭگە يەلەندى، دەپ حابارلايدى Almaty-akshamy.kz.
qazaqstan.tv-نىڭ مالىمەتىنشە، ۇزدىكتەردىڭ ۇزدىگى ىرىكتەلگەن جوبانىڭ سوڭعى شىعارىلىمىندا فيناليستەر تىكەلەي ەفيردە 2 ءان شىرقادى.
ءار ۇمىتكەر ءبىر ءاندى جەكە، ءبىرىن تالىمگەرلەرىمەن بىرگە ورىنداپ شىقتى، ياعني اقتىق سىندا تالىمگەرلەر دە بىر-بىرىمەن باسەكەگە ءتۇستى. ال جوبانىڭ جەڭىمپازى كورەرمەننىڭ داۋىسى ارقىلى انىقتالدى.
SMS-داۋىس بەرۋ ناتيجەسى بويىنشا:
1-ورىن – قۇرالاي مەيرامبەك
2-ورىن – ەرىك تولەنوۆ
3-ورىن – ەرنار اماندىق
4-ورىن – ارۋجان ايداربەك يەلەندى.
ساكەن مايعازييەۆتىڭ شاكىرتى «Qazaqstan داۋىسى» جوباسىنىڭ 2021 جىلعى جەڭىمپازى اتانىپ، 5 ملن تەڭگە يەلەندى. سونىمەن بىرگە «قازاقستان» تەلەراديوكورپوراسياسى قۇرالايدىڭ ونەرىنە ءارى قاراي قولداۋ بىلدىرەدى. وسىلايشا جارتى جىلعا جۋىق كورەرمەنىن قۋانتقان باعدارلاما ءوز مارەسىنە جەتتى.
«Qazaqstan داۋىسى» – الەمنىڭ 140 ەلىندە كورسەتىلگەن ايگىلى «The Voice» تەلەشوۋىنىڭ قازاقستاندىق نۇسقاسى. مۋزىكالىق باعدارلاما كورەرمەنگە جارتى جىل بويى ۇسىنىلىپ، رەيتينگ بويىنشا كوش باستاپ كەلدى. جوباعا ۇزىن-سانى 6 مىڭنان اسا ادام قاتىستى. ونىڭ ىشىندە وزگە مەملەكەتتەن ارنايى كەلگەن تالانتتار دا بولدى.
جالپى، «كورمەي تاڭداۋ» كەزەڭىنە 100 شاقتى ۇمىتكەر ءوتتى. ودان سوڭ قاتىسۋشىلار «جەكپە-جەك»، «جارعا جىعۋ»، تىكەلەي ەفيردەگى كەزەڭدەرىندە ب ا ق سىناپ، فينالعا 4 تالىمگەردىڭ 4 ۇزدىك شاكىرتى جولداما الدى.