قازاقستان بۇۇ ادام قۇقىقتارى جونىندەگى كەڭەسىنىڭ مۇشەسى بولدى

بۇعان دەيىن ەلىمىز ادام قۇقىقتارى جونىندەگى كەڭەسكە 2013–2015 جىلدارى سايلانعان بولاتىن.

بۇۇ باس اسسامبلەياسىنىڭ 76-شى سەسسياسى بارىسىندا قازاقستان رەسپۋبليكاسى 2022–2024 جىلدارعا بۇۇ ادام قۇقىقتارى جونىندەگى كەڭەسىنىڭ مۇشەسى بولىپ سايلاندى، دەپ حابارلايدى Almaty-akshamy.kz ق ر ءسىم باسپا ءسوز قىزمەتىنە سىلتەمە جاساپ.

قازاقستاننىڭ كەڭەستەگى جۇمىسىنىڭ باسىم باعىتتارى – گەندەرلىك  تەڭدىكتى ىلگەرىلەتۋ جانە ايەلدەردىڭ قۇقىقتارى مەن مۇمكىندىكتەرىن كەڭەيتۋ، ءولىم جازاسىن جاپپاي جويۋ، توزبەۋشىلىكتىڭ بارلىق نىساندارىنا قارسى كۇرەس، ءدىن مەن سەنىم بوستاندىعى، ينكليۋزيۆتى جانە جالپىعا بىردەي ءبىلىم بەرۋدى قامتاماسىز ەتۋ، سونداي-اق COVID-19 پاندەمياسى جاعدايىندا ادام قۇقىقتارىن قۇرمەتتەۋ بولادى.

ادام قۇقىقتارى جونىندەگى كەڭەس – بۇۇ جۇيەسىنىڭ ۇكىمەتارالىق ورگانى، ونىڭ قۇرامىنا الەمدەگى ادام قۇقىقتارىن كوتەرمەلەۋگە جانە قورعاۋعا جاۋاپتى 47 مەملەكەت كىرەدى. كەڭەس قۇزىرەتىنە ونىڭ نازارىن تالاپ ەتەتىن ادام قۇقىقتارى سالاسىنداعى بارلىق تاقىرىپتىق ماسەلەلەر مەن جاعدايلاردى تالقىلاۋ كىرەدى. كەڭەس مۇشەلەرى بەس وڭىرلىك توپتان سايلانادى جانە ءوز مىندەتتەرىن ءۇش جىل بويى اتقارادى. ادام قۇقىقتارى جونىندەگى كەڭەستىڭ وتىرىستارى بۇۇ-نىڭ جەنيەۆاداعى بولىمشەسىندە وتەدى.