قازاقستان چەحيامەن بىرگە بولون پروسەسى باقىلاۋ توبىنىڭ (Bolonga follow-Up Group - BFUG) تەڭ ءتوراعاسى بولىپ بەكىتىلدى
ەلىمىز 2022 جىلعى 1 شىلدە مەن 31 جەلتوقسان ارالىعىندا تەڭ ءتوراعالىق ەتەدى، دەپ حابارلايدى Almaty-akshamy.kz
سونداي-اق قازاقستان كەلەسى جىلدىڭ باسىنان باستاپ BFUG باسقارۋشى كەڭەسىنىڭ قۇرامىنا (BFUG Board) كىرەدى.
«قازاقستاننىڭ BFUG-عا تەڭ ءتوراعالىق ەتۋى بۇل جوعارى جاۋاپكەرشىلىك ءارى ەلىمىزدىڭ حالىقارالىق دەڭگەيدە مويىندالۋىن بىلدىرەدى. بولون پروسەسىنىڭ قۇرامىنا 48 مەملەكەت كىرەدى، ولاردىڭ ىشىندە شۆەيساريا، فرانسيا، ۇلىبريتانيا، يسپانيا، يتاليا جانە ت.ب. ەلدەر بار. ال قازاقستان ءبىرىڭعاي ءبىلىم بەرۋ پروسەسىنىڭ مۇددەلەرىن ءبىلدىرۋ تۋرالى ۇسىنىسى ەۋروپالىق ءبىلىم بەرۋ جۇيەسىندە قازاقستاندىق جوعارى ءبىلىم جۇيەسىنىڭ بەدەلىنىڭ ارتقانىن كورسەتەدى»، - دەدى ق ر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.
قازاقستان بولون پروسەسى باقىلاۋ توبىنىڭ تەڭ ءتوراعاسى رەتىندە شەتەلدىك ارىپتەستەرمەن كۇش-جىگەردى بىرىكتىرۋ ماقساتىندا جوعارى ءبىلىم سالاسىنداعى وزەكتى ماسەلەلەردى حالىقارالىق دەڭگەيدە تالقىلاۋعا باستاماشىلىق ەتۋدى كوزدەپ وتىر.
ونىڭ ىشىندە بەيرەسمي، پەداگوگيكالىق ءبىلىم بەرۋدى دامىتۋ، ءبىلىم ساپاسىن باعالاۋدى قامتاماسىز ەتۋ، سونىمەن بىرگە ورتالىق ازيا كەڭىستىگىندە بولون پروسەسىنىڭ وزىق تاجىريبەسىن تاراتۋ ماسەلەلەرى بار.
ايتا كەتەيىك، قازاقستان 10 جىلدان استام ۋاقىت بويى بولون پروسەسىنىڭ تولىققاندى مۇشەسى بولىپ كەلەدى. ونىڭ پارامەترلەرى جوعارى ءبىلىم بەرۋ جۇيەسىنە بەلسەندى تۇردە ەنگىزىلدى. سونداي-اق قازاقستان بارلىق كورسەتكىش بويىنشا ءوز مىندەتتەمەلەرىن ورىندادى.