ازيز قوجامبەتوۆ قازاقستان بوكس فەدەراسياسىنىڭ (قبف) اتقارۋشى ديرەكتورى بولىپ تاعايىندالدى، دەپ حابارلايدى اlmaty-akshamy.kz فەدەراسيانىڭ باسپا ءسوز قىزمەتىنە سىلتەمە جاساپ.
بۇل جايلى بۇيرىققا بۇگىن قول قويىلدى.
ازيز ەسەنتاي ۇلى وسىعان دەيىن قبف پرەزيدەنتىنىڭ كەڭەسشىسى قىزمەتىن اتقارىپ كەلدى. حالىقارالىق دارەجەدەگى تاجىريبەسىنىڭ ارقاسىندا جاقىندا عانا اياقتالعان ازيا بوكس كونفەدەراسياسىنىڭ كونگرەسىندە اتالعان ۇيىمنىڭ ديرەكتورلار كەڭەسىنىڭ مۇشەسى بولىپ سايلاندى. ءتورت ءتىلدى جەتىك مەڭگەرگەن مامان 2010-2014 جىلدار ارالىعىندا ASBC اتقارۋشى ديرەكتورى قىزمەتىن اتقارعان. World Series of Boxing اياسىندا ونەر كورسەتكەن داڭقتى «Astana Arlans» كلۋبىنىڭ نەگىزىن قالاعانداردىڭ ءبىرى.
«قازاقستان بوكس فەدەراسياسى جانە ەلىمىزدەگى بارشا بوكس قاۋىمداستىعى ازيز مىرزانى شىن جۇرەكتەن قۇتتىقتايدى. ەلىمىزدەگى №1 سپورت ءتۇرىنىڭ دامۋىنا سپورت سالاسىندا جيناعان مول تاجىريبەسى ءوز سەپتىگىن تيگىزەدى دەگەن سەنىمدەمىز. جاڭا قىزمەتتە ساتتىلىك، جانە وتاندىق بىلعارى قولعاپ شەبەرلەرىنە جەڭىس تىلەيمىز!» - دەلىنگەن حابارلامادا.