ويتكەنى ءبىلىمنىڭ ءرولى وتە زور.
بۇل تۋرالى ق ر پرەزيدەنتى قاسىم-جومارت توقايەۆ ايتتى، دەپ حابارلايدى Almaty-akshamy.kz
«كەزىندە بولون جۇيەسىنە كۇمانمەن قاراعان ەدىم. وعان قوسىلعان كەزدە سەنات ءتوراعاسى بولدىم جانە ۇكىمەتكە بۇل ىستە اسىعىستىق تانىتۋدىڭ قاجەتى جوق ەكەندىگىن ەسكەرتتىم. سول ۋاقىتتا وعان قوسىلۋىمىز ۇلكەن ۇلتتىق جەتىستىك، ءتىپتى مەرەكە رەتىندە كورسەتىلدى. ءىس جۇزىندە ونىڭ دا وتە كوپ كەمشىلىگى بار جانە ولاردى بايقاعان ەدىم. بۇل مەدالدىڭ ەكى جاعى بار. نەگىزىندە رەسەي ۇكىمەتىنىڭ بولون جۇيەسىنەن شىعۋى تۋرالى شەشىمىن تۇسىنەمىن. ءبىراق، ونىڭ سالدارى دا بولاتىنىن ءتۇسىنۋ قاجەت»، - دەدى قاسىم-جومارت توقايەۆ رەسەيلىك جۋرناليست اندرەي كوندراشوۆقا بەرگەن سۇحباتىندا.
مەملەكەت باسشىسى ەلىمىزدە ءبىلىم بەرۋ سالاسىنا باسا نازار اۋدارىلىپ وتىرعانىن ايتتى.
«ويتكەنى ءبىلىمنىڭ ءرولى وتە زور. مەن رەسەيلىك تەحنيكالىق جوعارى وقۋ ورىندارىنىڭ قازاقستاندا فيليالدارىن اشۋىنا قاتىستى باستاما كوتەردىم. بۇل پروسەسس باستالدى. ماسكەۋ ينجەنەرلىك-فيزيكالىق ينستيتۋتى قازمۋ-دە فيليالىن اشتى. گۋبكين اتىنداعى مۇناي جانە گاز ۋنيۆەرسيتەتى دە فيليالىن اشادى. مەنىڭشە، بۇل پروسەسس جالعاسا بەرەدى. ويتكەنى، قازىرگى قازاق جاستارى باسەكەگە قابىلەتتى بولۋى ءۇشىن، ەڭ الدىمەن، تەحنيكالىق ءبىلىم الۋى ءتيىس دەپ ەسەپتەيمىن. «بولاشاق» باعدارلاماسى ارقىلى تالانتتى جاستاردى شەتەلگە جىبەرۋ مۇمكىندىگى دە ساقتالىپ وتىر. اتاپ ايتقاندا، ولار ماگيسترانتتار، ءتىپتى باكالاۆرياتتار دا. ءبىز باكالاۆر باعدارلاماسىن قىسقارتىپ، الەمنىڭ ۇزدىك جوعارى وقۋ ورىندارىنا باراتىن ماگيسترانتتاردىڭ سانىن ارتتىرامىز»، - دەدى ق ر پرەزيدەنتى.