تاقىرىپ – بالالار قاۋىپسىزدىگى.
«قۇقىققا قايشى كونتەنتتى انىقتاۋ بويىنشا تۇراقتى نەگىزدە مونيتورينگ جۇرگىزىلەدى، دەپ حابارلايدى Almaty-akshamy.kz
«قازىرگى ۋاقىتتا قازاقستان رەسپۋبليكاسىنىڭ اۋماعىندا ينتەرنەت-رەسۋرستار مەن ونلاين-پلاتفورمالار «ونلاين-پلاتفورمالار جانە ونلاين-جارناما تۋرالى» جانە «بالالاردىڭ دەنساۋلىعى مەن دامۋىنا زاردابىن تيگىزەتىن اقپاراتتان قورعاۋ تۋرالى» زاڭداردىڭ تالاپتارىن ساقتايدى»، - دەپ جاۋاپ بەردى زاڭعا قايشى كونتەنتتى تاراتاتىن ينتەرنەت-رەسۋرستار مەن ونلاين-پلاتفورمالارعا قاتىستى قابىلدانىپ جاتقان شارالار تۋرالى دەپۋتاتتىق ساۋالعا پرەمەر-مينيستردىڭ ءبىرىنشى ورىنباسارى رومان سكليار.
سكليار بۇزۋشىلىقتار انىقتالعان كەزدە ولاردى جويۋ تۋرالى ەسكەرتۋلەر جىبەرىلەدى، سونداي-اق ماتەريالدار مەن ينتەرنەت-رەسۋرستارعا قول جەتكىزۋ باس پروكۋروردىڭ نەمەسە ونىڭ ورىنباسارلارىنىڭ ۇسىنۋى بويىنشا، سونداي-اق ۋاكىلەتتى ورگاننىڭ نۇسقاماسى بويىنشا سوت تارتىبىمەن نە «سوتتان تىس بۇعاتتاۋ» تارتىبىمەن توقتاتىلادى دەدى. تەحنيكالىق شارالاردى بايلانىس وپەراتورلارى مەن «مەملەكەتتىك تەحنيكالىق قىزمەت» اق قابىلدايدى (2023 جىلى 526 بۇزۋشىلىق انىقتالدى. 1 ناۋرىزعا 99 بۇزۋشىلىق انىقتالدى، 59 حابارلاما حاتى جىبەرىلدى (كورىنەۋ جالعان اقپارات تاراتقانى ءۇشىن – 34؛ جينالىستى، ميتينگىنى، شەرۋدى، پيكەتتەردى ۇيىمداستىرۋ نەمەسە وتكىزۋ تۋرالى – 16؛ سەپاراتيستىك قىزمەت تۋرالى – ەكى؛ كونستيتۋسيالىق قۇرىلىستى كۇشتەپ وزگەرتۋدى ناسيحاتتاۋ – ەكى؛ ۇلتارالىق الاۋىزدىقتى قوزدىرۋ – 45)، دەدى.
«قۇقىققا قايشى كونتەنتتى انىقتاۋ بويىنشا تۇراقتى نەگىزدە مونيتورينگ جۇرگىزىلەدى (2023 جىلى 44630 زاڭسىز ماتەريال جويىلدى، ونىڭ ىشىندە 10142 زاڭسىز كونتەنت بالالاردىڭ دەنساۋلىعى مەن دامۋىنا زاردابىن تيگىزەتىن اقپارات، 2024 جىلى - 3432 ماتەريال جويىلدى، ونىڭ ىشىندە 2137 بۇزۋشىلىق بالالارعا قاتىستى)»، - دەپ جاۋاپ بەردى ءبىرىنشى ۆيسە-پرەمەر.
«2023 جىلى قازاقستاندا «ByteDance» كومپانياسىنا تيەسىلى TikTok رەسمي وكىلدىگى اشىلدى (ورتالىق ازياداعى مەملەكەتتىك بيلىك ورگاندارىمەن جۇمىس جونىندەگى باسشى – دميتريي پىليەۆ). TikTok پلاتفورماسىنىڭ بارلىق پايدالانۋشىلارى ءۇشىن حالىقارالىق قۇقىقتىق نورمالارعا نەگىزدەلگەن ءبىرىڭعاي ەرەجەلەر مەن ستاندارتتار قولدانىلادى»، - دەپ مالىمدەدى ۇكىمەت باسشىسىنىڭ ءبىرىنشى ورىنباسارى.
«TikTok پلاتفورماسىن رەتتەۋ جانە پايدالانۋ سالاسىنداعى حالىقارالىق تاجىريبە زەرتتەلۋدە. ءبىرقاتار باتىس ەلدەرى ونى پايدالانۋدى بۇعاتتاۋ نەمەسە شەكتەۋ بويىنشا شارالار قابىلداۋدا. وسىعان بايلانىستى ينتەرنەت-رەسۋرستار مەن ونلاين-پلاتفورمالاردىڭ وكىلدەرىمەن بىرلەسىپ، ءبىزدىڭ ۇلتتىق ەرەكشەلىكتەرىمىز بەن قاجەتتىلىكتەرىمىزدى ەسكەرە وتىرىپ، ولاردى بەيىمدەۋ بويىنشا جۇمىس كەڭەستەرىن وتكىزۋدە»، - دەدى سكليار
سونىمەن قاتار ول اعىمداعى جىلدىڭ ناۋرىز ايىندا TikTok جانە Meta وكىلدەرىمەن ونلاين-كەزدەسۋ جوسپارلانىپ وتىرعانىن، وندا ونلاين پلاتفورمالاردا جالعان اقپاراتقا تىيىم سالۋ جانە ورنالاستىرۋ، سونداي-اق ولاردى جويۋ بويىنشا ونلاين-پلاتفورمالاردىڭ يەلەرىنە قويىلاتىن جاڭا تالاپتار تالقىلاناتىنىن ايتتى.