الەم چەمپيوناتىنا ىرىكتەۋدىڭ سوڭعى تۋرىندا قازاقستان قۇراماسى ەۋروپانىڭ مىقتى ۇجىمدارىنىڭ ءبىرى - بەلگيامەن كەزدەستى، - دەپ حابارلايدى aqshamnews.kz ءتىلشىسى.
ماچ 15 قاراشادا استانا ۋاقىتىمەن 19:00-دە ءوتتى. ستاديونعا 28 012 جانكۇيەر كەلىپ تاماشالادى.
ويىننىڭ باسى ۇلتتىق قۇرامانىڭ جانكۇيەرلەرىن قۋانتتى. قازاقستان ساپىنداعى داستان ساتپايەۆ نەبارى 9-مينۋتتا ءدال سوققىمەن ەسەپ اشىپ، كومانداعا تاماشا باستاما سىيلادى. ەرتە گولدان كەيىن قازاقستاندىقتار قورعانىستى جيناقى ۇستاپ، قارسى شابۋىل ارقىلى ءقاۋىپ ءتوندىرىپ وتىردى.
دەسە دە، ەكىنشى تايمدا بەلگيا قىسىمدى كۇشەيتتى. 48-مينۋتتا بەلگيالىق ويىنشى ۆاناكەن ءبىزدىڭ قاقپاعا ءدال سوققى باعىتتاپ، ەسەپتى تەڭەستىردى. وسى ساتتەن كەيىن ەكى كوماندا دا شابۋىلدا بەلسەندىلىك تانىتقانىمەن، ءماچتىڭ تاعدىرىن وزگەرتەر گول سوعىلعان جوق.
قيىن ءسات: 77 مينۋتتا ۇلتتىق قۇرامانىڭ ويىنشىسى يسلام چەسنوكوۆتىڭ تىكەلەي قىزىل قاعاز الدى. بۇدان كەيىن قازاقستان ويىندى 10 ويىنشىمەن جالعاستىرۋعا ءماجبۇر بولدى. سوعان قاراماستان، كوماندا اياعىنا دەيىن بەرىلمەي، قورعانىستا ءتارتىپ ساقتاپ، ناتيجەنى ۇستاپ قالدى.
قورىتىندى ەسەپ - 1:1.