قازاقستاندىقتاردىڭ باقىت يندەكسى جوعارى
پاندەميا، الەۋمەتتىك-ەكونوميكالىق جاعدايلارعا قاراماستان، باقىتتى قازاقستاندىقتار قاتارى باسىم. مۇنداي ناتيجەنى Gallup International جۇرگىزگەن زەرتتەۋى كورسەتىپ وتىر. زەرتتەۋ بويىنشا الەمدەگى باقىتتى ەلدەردىڭ رەيتينگى جاريالاندى، دەپ حابارلايدى Almaty-akshamy.kz
اتالمىش زەرتتەۋگە 44 ەلدەن 41460 ادام قاتىسقان. وندا قازاقستاندىقتاردىڭ باقىت يندەكسى 81%-دى كورسەتكەن، وسىلايشا ەل تۇرعىندارى الەمدەگى باقىتتى ادامدار قاتارىنان بولىپ شىقتى.
«باقىت دەڭگەيى تىكەلەي كىرىسكە بايلانىستى ەمەس. ءقازىر الەم وزگەرىپ جاتىر، كوپتەگەن ۇعىمدار استاڭ-كەستەڭ بولدى. بولاشاقتىڭ كەلبەتى بۇلىڭعىر»، – دەيدى زەرتتەۋدى جۇرگىزگەن Gallup International ۇيىمىنىڭ وكىلى اندرەي ميلەحين.
ەڭ تومەن كورسەتكىش گانا، اۋعانستان، گونكونگ، يراك جانە رەسەي ەلدەرىندە تىركەلگەن.