قازاقستاندىق ومارتاشىلار شامامەن 10 مىڭ توننا بال جيناماق.
ءقازىر كوش باسىندا جۇڭگو تۇر. ءتيىستى قولداۋ بولسا، ومارتاشىلار ءوندىرىستى ارتتىرماق نيەتتە. ءبىراق ول ءۇشىن مامانداردى كوبەيتۋ قاجەت. بىلتىر وسىناۋ مەجەگە جەتۋگە وڭىرلەردەگى قۋاڭشىلىق كەدەرگى بولسا، كوروناۆيرۋس پاندەمياسى دا كەسىرىن تيگىزدى. ەندى جاعداي وڭالعانداي بولدى. ءقازىر ەلدە 12 مىڭ ومارتاشى بار.دەپ حابارلايدى Almaty-akshamy.kz «حابار 24»-كە سىلتەمە جاساپ.
ومارتاشىلار وداعى پرەزيدەنتىنىڭ – ورىنباسارى عابيت ءنۇرادىلدىڭ ايتۋىنشا، كاسىپكەرلەر سانىن 100 مىڭعا جەتكىزۋگە بولادى.
"ومارتاشىلىق – وتە بەرەكەلى كاسىپ. وكىنىشكە قاراي، ءقادىرىن ءتۇسىنىپ جاتقاندار از. ءبىز ومارتاشىلارىمىزدىڭ سانى 100 مىڭنان اسقانىن قالايمىز. بارلىعىن ۇيرەتىپ، سالانىڭ قىر-سىرىنا قانىقتىرۋعا دايىنبىز. بۇعان «اگروبىلىم» باعدارلاماسىنىڭ دا كومەگى تيەر ەدى. ءبىر ماۋسىمدا ءار ومارتاشى 100 كەلى بال وندىرسە، 1 ملن-عا قينالماي جەتەر ەك. وسىلايشا، ءوندىرىس كولەمى جاعىنان قىتايدان كەيىن ەكىنشى ورىنعا شىعا الامىز"، - دەيدى ق ر ومارتاشىلار وداعىنىڭ ۆيسە-پرەزيدەنتى عابيت ءنۇرادىلوۆ.
ءقازىر وتاندىق بالدى قازاقستاندىقتاردان گورى، ساۋد اراۆياسى، ءباا، وزبەكستان جانە جۇڭگو حالقى كوپ تۇتىنادى. 200 تونناسىن ەكسپورتتايمىز. ءتاتتى ءونىمنىڭ كەلىسى 1500-2000 تگ اينالاسىندا. ەلدە پايداسى وراسان بولا تۇرا، باعاسى تۇراقتى جالعىز ءونىم وسى. الايدا، تۇتىنۋ مولشەرى تىم از. ءار تۇرعىن جىلىنا 5 گرامم عانا بال جەيدى ەكەن. ونىڭ ءوزى رەسەي، قىرعىزستان، قىتايدان كەلگەن ونىمدەر. سەبەبى باعاسى ارزانىراق، ءبىراق ساپاسى تومەن.