تۇركيادا جاسىرىنعان قازاقستان ازاماتى حالىقارالىق تەرروريستىك ۇيىمنىڭ ارەكەتىنە قاتىسى بار دەگەن كۇدىكپەن ەلگە قايتارىلدى.
ۇلتتىق قاۋىپسىزدىك كوميتەتى 16 قاراشا كۇنى ق ر باس پروكۋراتۋراسىمەن بىرلەسە وتىرىپ، انتاليا قالاسىنان الماتىعا ق ر ازاماتىن الىپ كەلدى، دەپ حابارلايدى aqshamnews.kz ۇقك-عا سىلتەمە جاساپ.
تەرگەۋ ماتەريالىنا سايكەس، ول ەرتەرەكتە سيرياعا كەتىپ، قارۋلى توپتاردىڭ بىرىنە قوسىلعان. سودان كەيىن تۇركياعا جەتىپ، سول جەردە پوليسيا ورگاندارىمەن ۇستالعان.
ونىڭ ءوز ەركىمەن قازاقستانعا قايتىپ، زاڭمەن قاراستىرىلعان قىلمىستىق جاۋاپكەرشىلىكتى تارتۋعا دايىن ەكەنى انىقتالدى.
ۇقك فيگۋرانتقا قاتىستى قىلمىستىق كودەكستىڭ 257-بابى 2-بولىگى بويىنشا سوتقا دەيىنگى تەرگەپ-تەكسەرۋدى جۇرگىزۋدە. ول سوت سانكسياسىمەن قاماۋعا الىندى.
قىلمىستىق-پروسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.