شەتەلدىكتەر 100 سۇراقتان تۇراتىن تەست تاپسىرادى.
عىلىم جانە جوعارى ءبىلىم مينيسترلىگى ەمتيحان تاپسىرۋدىڭ ەرەجەلەرىن ازىرلەدى، دەپ حابارلايدى Almaty-akshamy.kz
قۇجات قوعام تالقىسىنا شىعارىلدى. جاڭاشىلدىققا ساي، سىناقتان سۇرىنبەي ءوتۋ ءۇشىن كەمىندە الپىس ۇپاي جيناۋ قاجەت. ەمتيحاندا قازاق تىلىنەن تىڭدالىم بويىنشا 20، وقىلىم بويىنشا 40 سۇراق قويىلادى.
Cونداي-اق، ەل ازاماتى بولعىسى كەلەتىندەردىڭ كونستيتۋسيا نەگىزدەرى مەن قازاقستان تاريحى بويىنشا دا بىلىمدەرى باعالانادى. تەستىلەۋگە بارلىعى 2 ساعات 10 مينۋت ۋاقىت بەرىلەدى.
مىنا تۇلعالار سىناقتان بوساتىلادى:
كامەلەتكە تولماعاندار؛
ارەكەتكە قابىلەتسىز تۇلعالار؛
قازاقستانعا سىڭىرگەن ەرەكشە ەڭبەگى نەمەسە قاجەتتى كاسىبى بار تۇلعالار؛
ەتنيكالىق قازاقتار؛
حالىقارالىق شارتتار بويىنشا ازاماتتىقتى جەڭىلدەتىلگەن الۋ قۇقىعى بار ادامدار.
تەستىلەۋگە وتىنىمدەر بەلگىلى ءبىر كەزەڭدەردە قابىلدانادى:
10 قاڭتاردان 20 قاڭتارعا دەيىن؛
10 ساۋىردەن 20 ساۋىرگە دەيىن؛
10 شىلدەدەن 20 شىلدەگە دەيىن؛
10-20 قازان ارالىعىندا.
مەملەكەت باسشىسى قاسىم-جومارت توقايەۆ قازاق ءتىلىن جانە تاريحىن بىلمەيتىندەرگە ازاماتتىق بەرمەۋ تۋرالى زاڭعا قول قويعان ەدى.