ونىڭ 6 000-نان استامى قارۋلى كۇشتەرگە جىبەرىلدى.
قورعانىس مينيسترلىگىندە باس شتاب باستىعىنىڭ ءبىرىنشى ورىنباسارى گەنەرال-لەيتەنانت مارات قۇسايىنوۆتىڭ باسشىلىعىمەن كوكتەمگى اسكەرگە شاقىرۋ كامپانياسى قورىتىندىلاندى، دەپ حابارلايدى Almaty-akshamy.kz ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
كەڭەس بارىسىندا قورعانىس ىستەرى جونىندەگى دەپارتامەنتتەردىڭ باستىقتارى كوروناۆيرۋستىق ينفەكسيانىڭ تارالۋى جاعدايىندا وتكەن اسكەرگە شاقىرۋ كامپانياسىنىڭ ەرەكشەلىكتەرى تۋرالى باياندادى.
قابىلدانعان سانيتاريالىق-ەپيدەميولوگيالىق شارالار جيىن پۋنكتتەرىندە اسكەرگە شاقىرىلۋشىلاردىڭ ىندەتتى جاپپاي جۇقتىرۋىن بولدىرماۋعا، اسكەرگە شاقىرۋدى جوسپارلى تۇردە جۇرگىزۋگە مۇمكىندىك بەردى.
اسكەرگە شاقىرۋ كومپانياسى كەزىندە ۇيىمداستىرۋ-جۇمىلدىرۋ جۇمىستارى دەپارتامەنتى بۇقارالىق اقپارات قۇرالدارىندا، الەۋمەتتىك جەلىلەردە ءتۇسىندىرۋ جۇمىستارىن جۇرگىزدى.
سونىمەن قاتار، اسكەرگە شاقىرىلۋشىلار، ولاردىڭ تۋعان-تۋىستارى جەدەل جەلى تەلەفوندارى ارقىلى جەكە اڭگىمەلەسۋ جولىمەن تۋىنداعان سۇراقتارىن قويىپ، تولىققاندى جاۋاپ الدى.
باس شتاب باستىعىنىڭ ءبىرىنشى ورىنباسارى جەرگىلىكتى اسكەري باسقارۋ ورگاندارىنىڭ بارىنشا اشىقتىعىن جانە تۇرعىنداردى وتكىزىلەتىن ءىس-شارالار تۋرالى حاباردار ەتۋدى قامتاماسىز ەتۋ، اسكەرگە شاقىرىلۋشىلاردىڭ تۋىستارىمەن تۇراقتى تۇردە كەرى بايلانىس ورناتۋ مىندەتىن قويدى.
اسكەرگە شاقىرىلۋشىلاردا كەزدەسەتىن سيپاتتى اۋرۋلارعا جۇرگىزىلگەن تالداۋ اناعۇرلىم كەڭ تارالعان اۋرۋلاردىڭ كوز، اسقازان-ىشەك جولدارىمەن، ومىرتقامەن، نيەۆرولوگيامەن بايلانىستى ەكەنىن كورسەتتى.
ماماندار بۇنىڭ سەبەبىن جاستاردىڭ قيمىل-قوزعالىسى از ءومىر سالتىن ۇستانۋىمەن، دۇرىس تاماقتانباۋىمەن جانە گادجەتتەردى شەكتەن تىس پايدالانۋىمەن بايلانىستىرىپ وتىر.
وسىعان بايلانىستى، جەرگىلىكتى اتقارۋشى ورگاندارمەن ءوزارا ءىس-قيمىل جاساي وتىرىپ، ءتيىستى اكىمدەردىڭ قاۋلىلارىمەن تاعايىندالاتىن مەديسينالىق كوميسسيالار جۇمىسىنىڭ ساپاسىن ارتتىرۋ تاپسىرىلدى.
سونىمەن قاتار، گەنەرال-لەيتەنانت مارات قۇسايىنوۆ اسكەرگە شاقىرۋ جاسىنا دەيىنگى جانە اسكەرگە شاقىرىلاتىن جاستاردى «جاس سارباز»، «ايبىن» اسكەري-پاتريوتتىق قوزعالىسىنا، باسقا دا اسكەري-پاتريوتتىق جانە سپورت كلۋبتارىنا بارىنشا تارتۋ قاجەتتىگىنە نازار اۋداردى.