روساريو قالاسىندا ديەۆيس كۋبوگىنىڭ ىرىكتەۋ كەزەڭى اياسىندا قازاقستان – ارگەنتينا ماچىنىڭ جەرەبەسى تارتىلدى، دەپ حابارلايدى Almaty-akshamy.kz
جارىستىڭ ءبىرىنشى كۇنى، 3 اقپاندا استانا ۋاقىتىمەن ساعات 20.00-دە اتر رەيتينگىسىندە 338-ورىندا تۇرعان دميتريي پوپكو مەن فرانسيسكو سەرۋندولو (№22 اتر) وينايدى.
سودان كەيىن كورتقا تيموفەي سكاتوۆ (№278 اتر) مەن توماس مارتين ەچيەۆەرري (№28 اتر) شىعادى.
جەكسەنبى كۇنى ساعات 20.00-دە جۇپتىق سىندا الەكساندر نەدوۆەسوۆ – تيموفەي سكاتوۆ ارگەنتينالىقتار ماكسيمو گونسالەس – اندرەس مولتەنيمەن شەبەرلىك بايقاسادى. سوسىن سكاتوۆ سەرۋندولومەن، سوڭعى ويىندا پوپكو ەچيەۆەرريمەن كەزدەسەدى.
قازاقستان قۇراماسىنا سالقىن ءتيىپ، اۋىرىپ قالعان دەنيس ەۆسەيەۆ كومەكتەسە المايدى.
«ءبىزدىڭ كوماندادا قاتاردان شىعىپ جاتقاندار بار. بەيبىت جۇقايەۆ جاراقاتىنا بايلانىستى كەلە الماسا، ەۆسەيەۆ وسىندا دايىندالعانىمەن، سىرقاتتانىپ قالدى. سوندىقتان جاعداي قيىن. قارسىلاس كوماندا كۇشتى قۇرامىن شىعاردى. دەگەنمەن پوپكو، نەدوۆەسوۆ، سكاتوۆتىڭ سوڭىنا دەيىن كۇرەسەتىنى انىق»، - دەدى كوماندا كاپيتانى يۋريي ششۋكين.
ەسكە سالا كەتەيىك، بۇدان بۇرىن الەكساندر بۋبليكتىڭ مونپەلە ءتۋرنيرىنىڭ جارتىلاي فينالىنا شىققانىن جازعان بولاتىنبىز.
ا.بۋبليك پاريج وليمپياداسىنا قاتىسۋدى ماقسات ەتكەندىكتەن، وعان وسىنداي جارىستاردا ءساتتى ونەر كورسەتىپ، ۇپاي جيناۋىنا مۇمكىندىك بەرىلدى.