بۋداپەشتە ءوتىپ جاتقان شاحمات وليمپياداسىندا الەمنىڭ ەڭ ۇزدىك كومانداسى اتانۋ ءۇشىن شاحمات باسەكەلەرى جالعاسۋدا. التىنشى تۋردىڭ ناتيجەسى بويىنشا قازاقستاننىڭ ايەلدەر قۇراماسى 12-ورىننان 6-ورىنعا كوتەرىلدى، دەپ حابارلايدى aqshamnews.kz.
ەرلەر قۇراماسى ازىرگە قىزداردىڭ جەتىستىگىنە جەتە الماي كەلەدى. ولار 39-ورىننان 35-ورىنعا كوتەرىلدى.
قازىرگى ۋاقىتتا شاحمات وليمپياداسىندا كوشباسشى رەتىندە ءۇندىستاننىڭ ايەلدەر جانە ەرلەر قۇرامالارى التى ماچ بويىنشا جەڭىمپاز رەتىندە ەرەكشەلەنىپ وتىر. ۆەتنام، جۇڭگو جانە يران كوماندالارىنىڭ 5 جەڭىسى جانە 1 تەڭ ويىنى بار.
18 قىركۇيەكتە وتەتىن 7-تۋردا قازاقستان كوماندالارى ازەربايجان قۇراماسىمەن كەزدەسەدى.
45ء-شى شاحمات وليمپياداسى 11-22 قىركۇيەك ارالىعىندا بۋداپەشتە ءوتىپ جاتىر. تۋرنير شۆەيساريالىق جۇيە بويىنشا 11 تۋردان تۇرادى، ءار ماچ 4 پارتيادان قۇرالعان جانە كلاسسيكالىق ۋاقىت باقىلاۋى قولدانىلادى. اشىق تۋرنيرگە 197 كوماندا قاتىسۋدا.