قازاقمىس ۇجىمدىق كەلىسىم-شارتتا كوزدەلگەندەي، جومارت كەنىشىندە قازا تاپقانداردىڭ وتباسىلارىنا بارلىق قاجەتتى كومەكتى كورسەتەدى، دەپ حابارلايدى aqshamnews.kz.
الەۋمەتتىك جانە ماتەريالدىق قولداۋ ماقساتىندا، سونىڭ ىشىندە مورالدىق زياندى وتەۋ ءۇشىن، قازا تاپقانداردىڭ وتباسىلارىنا جۇمىسكەردىڭ ورتاشا جىلدىق جالاقىسىنىڭ 10 ەسەلەنگەن مولشەرى جانە 2 ميلليون تەڭگەدەن استام جەرلەۋ راسىمدەرىن ۇيىمداستىرۋعا تولەنەدى.
سونداي-اق اسىراۋشىسىنان ايىرىلۋ جاعدايىنا اي سايىنعى تولەمدەر، بالالاردىڭ وقۋ اقىسىن تولەۋ، قازا تاپقان جۇمىسشىلاردىڭ نەسيە جانە قارىزدارىن جابۋ، سونداي-اق وتباسى مۇشەلەرىنىڭ ءوتىنىشى بويىنشا باسقا دا كومەك تۇرلەرى قاراستىرىلعان. «قازاقمىس» باسشىلىعى مەن ۇجىمى قازا تاپقانداردىڭ وتباسىلارى مەن جاقىندارىنا قايعىرىپ كوڭىل ايتادى.