رەسەيدە وتكەن پەتەربۋرگ حالىقارالىق ەكونوميكالىق فورۋمى اياسىندا QazaqGaz ۇك اق باسقارما ءتوراعاسى سانجار جاركەشوۆ پەن «گازپروم» جاق باسقارما ءتوراعاسى الەكسەي ميللەر ىنتىماقتاستىق تۋرالى مەموراندۋمعا قول قويدى، دەپ حابارلايدى Almaty-akshamy.kz Inform.kz-كە سىلتەمە جاساپ.
قۇجاتقا سايكەس، تاراپتار ورىنبور گوز قازاقستاندىق گاز وڭدەۋ كولەمىن جىلىنا 11 ملرد تەكشەمەترگە دەيىن ارتتىرادى. بۇل قادام قازاقستاننىڭ ىشكى نارىعىنا تاۋارلىق گازدى جەتكىزۋدى جىلىنا 1،7 ملرد تەكشەمەترگە ۇلعايتۋعا مۇمكىندىك بەرەدى. ءوز كەزەگىندە، بۇل ەلىمىزدە سۇيىق كومىرسۋتەكتەر ءوندىرۋدى ارتتىرادى.
بۇدان باسقا، «قازروسگاز» ج ش س مەن «گازپروم پەرەرابوتكا» جشق اراسىندا 2022-2023 جىلدارى قازاقستاندىق گازدى قايتا وڭدەۋگە ارنالعان شارتقا قول قويىلدى. اتاپ ايتقاندا، بيىل بۇرىن جوسپارلانعان 8،1 ملرد تەكشەمەتر كولەمگە 0،57 ملرد تەكشەمەتر گازدى قوسىمشا وڭدەۋ كوزدەلگەن، ال كەلەسى جىلى 2022 جىلدىڭ باستاپقى دەڭگەيىنە قوسىمشا 1،23 ملرد تەكشەمەتر وڭدەۋ جوسپارلانۋدا.