قىسقامەتراجدى «مەرەكە» فيلم-دەبيۋتى كورەرمەندەرگە كەلەر جىلدىڭ باسىندا جول تارتادى.
قىسقامەتراجدى كينوكارتينا ق ر مادەنيەت جانە سپورت مينيسترىلىگىنىڭ تاپسىرىسى بويىنشا ۇلتتىق كينونى مەملەكەتتىك قولداۋ ورتالىعىنىڭ قولداۋىمەن «قازاقفيلم» كينوستۋدياسىندا ءتۇسىرىلدى. فيلم-دەبيۋتىنا ءبىر اپتا ۋاقىت كەتتى، دەپ حابارلايدى Almaty-akshamy.kz. Elorda.info سىلتەمە جاساپ.
باستى رولدەردى تانىمال اكتەرلەر دۋلىعا اقمولدا مەن دانيار بەكتەنوۆ سومدادى. جوباعا 40-تان اسا ادام جۇمىلدىرىلدى.
كينوستۋديانىڭ مالىمەتىنشە، قاراپايىم وقيعادان باستاۋ الاتىن فيلم ادام بولمىسىنداعى كىشكەنتاي فيلوسوفيانى قوزعايدى. باستى كەيىپكەر 7 جاسار ايدار – جەرگىلىكتى كاسىپكەر ساكەن مەن ءۇي شارۋاسىنداعى ايەل ءاليانىڭ جالعىز ۇلى. وقيعا كورەرمەنگە ادام ونىڭ مۇراسى ەمەس، ادام - جادىمىزداعى جارقىن ەستەلىك، ال بالالىق شاق- ەشقاشان قايتىپ كەلمەيتىن كەزەڭ ەكەنىن جەتكىزەدى.
وقيعا جەلىسى ءومىردىڭ ءاربىر ساتتەرىن، بالالىق شاقتاعى عاجايىپ ەستەلىكتەردى ۇمىت قالدىراتىن ادام ساناسى مەن وعان قايتا اپارار جول تۋراسىندا وربىگەن.
«كارتينا شاعىن بولسا دا، شامالى كۇننىڭ ىشىندە كوماندا بىر-بىرىنە ۇيرەنىپ قالدى، جوبا ءۇشىن جۇمىلا ات سالىستى. ارينە، پروسەسس بارىسىندا كەيبىر كۇتپەگەن قيىندىقتار تۋىنداپ جاتتى، ءبىراق تۇسىرىلىمگە كەرى اسەرىن تيگىزبەدى. ءبىز ءۇشىن ەڭ قيىنعا سوققانى تراسسا بويىنداعى ساحنالاردى ءتۇسىرۋ بولدى. سوعان قاراماستان، ءفيلمنىڭ قويۋشى-وپەراتورى ميرحات چاپاي «ءقازاقفيلمنىڭ» كومانداسىمەن بىرلەسە جاقسى جۇمىس اتقاردى دەپ ويلايمىن. ءبىزدىڭ فيلمدە كۇننىڭ باتۋى، اتۋى سياقتى رەجيمدەگى ساحنالار كوپ، سولاردى ءتۇسىرىپ ۇلگەرۋ ءۇشىن، ءتارتىپ وتە قاتاڭ بولدى. ءوز باسىم ءۇشىن العاش رەت بالا اكتەرمەن، ۇلكەن اكتەرمەن جۇمىس جاساۋ جاڭا تاجىريبە بولدى. دۋلىعا اعانىڭ ءتۇسىرىلىم الاڭىندا كوپ كومەگى ءتيدى. سوڭعى كۇن باسقا كۇندەرگە قاراعاندا جەڭىل ءوتتى. بۇل كۇنى ءبىز ءتۇسىرىلىپ ۇلگەرمەي قالعان كادرلاردى، ءفيلمنىڭ سيۋجەتتىك ماڭىزى بار ساحنالارىن تاسپالادىق. اكتەرلىق قۇرام بىر-بىرىنە ۇيرەنىسىپ كەتكەن سوڭ، كادرداعى كوڭىل-كۇي شىنايى شىقتى دەپ ويلايمىن»،- دەپ ءبولىستى ءفيلمنىڭ سەناريي اۆتورى ءارى قويۋشى-رەجيسسەرى ىڭكار كارىم.
رەجيسسەردىڭ ايتۋىنشا، «مەرەكە» ءفيلمىنىڭ سەنارييىنىڭ العاشقى نۇسقاسى ءسال وزگەشە بولعانىمەن، باستى يدەيا جوعالماعان. جاقىن ارادا شىعارماشىلىق توپ كارتينانىڭ مونتاجداۋ پروسەسسىنە كىرىسپەك. «مەرەكە» دەبيۋتتىك ءفيلمى 2022 جىلعى 7-11 ماۋسىم ارالىعىندا وتكەن ۇلتتىق كينونى قولداۋ مەملەكەتتىك ورتالىعىنىڭ كەزەكتى پيچينگىنىڭ قورىتىندىسى بويىنشا مەملەكەتتىك قارجىلاندىرۋعا يە بولدى.