ق ر سىبايلاس جەمقورلىققا قارسى ءىس-قيمىل اگەنتتىگى مەملەكەت باسشىسىنىڭ زاڭسىز ساتىپ الىنعان اكتيۆتەردى ىزدەۋ جانە قايتارۋ جونىندەگى تاپسىرمالارىن ورىنداۋ ماقساتىندا «شاكەن ايمانوۆ اتىنداعى «قازاقفيلم» اق بۇرىنعى پرەزيدەنتىنىڭ قىلمىستىق ارەكەتىن اشكەرەلەدى.
2017 جىلى الماتى وبلىسىنىڭ ىلە وزەنى جاعاسىنداعى «كوشپەندى» كينوجوباسى اياسىندا سالىنعان جاساندى «تۇركىستان» بەكىنىسى مادەنيەت جانە سپورت مينيسترلىگىنىڭ بۇرىنعى باسشىلىعىمەن ۇلەستەس كوممەرسيالىق ۇيىمنىڭ نارىقتىق قۇنىنان 44 ەسە تومەن باعامەن ساتىلعان، دەپ حابارلايدى اlmaty-akshamy.kz ق ر سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتىنە سىلتەمە جاساپ.
قازىرگى ۋاقىتتا وسى اكتيۆتى جانە جەر ۋچاسكەسىن مەملەكەتكە قايتارۋ بويىنشا شارالار قابىلدانۋدا.
قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.