ق ر مادەنيەت جانە اقپارات مينيسترلىگىنىڭ قولداۋىمەن TikTok قازاقستاندىقتاردى قازاق ءتىلدى جانە وتاندىق ۇزدىك فيلمدەر بايقاۋىنا، سونداي-اق #tiktokshortfilm الەمدىك جوباسىنا قاتىسۋعا شاقىرادى، دەپ حابارلايدى almaty-akshamy.kz
TikTok ءۇشىنشى جىل قاتارىنان #TikTokShortFilm وتكىزبەكشى. بايقاۋدا 55 ەلدىڭ اۆتورلارى بۇكىل الەمگە، ميللياردتان استام كورەرمەنگە ءوز شىعارماشىلىعىن بولىسەدى.
2024 جىلعى 21 اقپاننان 15 ناۋرىزعا دەيىن قاتىسۋشىلار بايقاۋ شارتتارىنا سايكەس كەلەتىن ۇزاقتىعى ءبىر مينۋتتان اساتىن ءتۇپنۇسقا بەينەروليكتى تىكەلەي جاريالاۋى قاجەت.
«باس جۇلدە»، «ۇزدىك سەناريي»، «ۇزدىك رەجيسسەرلىك جۇمىس» نوميناسيالار جەڭىمپازدارىن بەدەلدى قازىلار القاسى انىقتايدى. جەڭىمپازدار فرانسياداعى 77ء-شى كانن كينوفەستيۆالىندە وتەتىن #TikTokShortFilm ماراپاتتاۋ راسىمىنە شاقىرىلادى.
«باس جۇلدە» نوميناسياسىنىڭ جەڭىمپازى 10.000 ەۋرو كولەمىندە سىياقى الادى، قالعان ەكى نوميناسيا بويىنشا ۇزدىك جۇمىستاردىڭ اۆتورلارىنا بولاشاقتا شىعارماشىلىعىن دامىتۋ ءۇشىن 5.000 ەۋرودان بەرىلەدى.
سونداي-اق قازاقستان اۆتورلارى دا ءدال سول كۇندەرى جەرگىلىكتى قىسقا بەينەفيلمدەر بايقاۋىنا قاتىسا الادى.
«قازاقستانداعى ەڭ ۇزدىك قىسقا فيلم» جانە «قازاق تىلىندەگى ەڭ ۇزدىك قىسقا فيلم» اتتى ەكى نوميناسيا بويىنشا جۇمىستار قابىلدانادى. بايقاۋ جەڭىمپازدارى كانن كينوفەستيۆالىنە قاتىسادى.
ايتا كەتەيىك، وتكەن جىلى #tiktokshortfilm حەشتەگىمەن 2 ميلليوننان استام ۆيدەو تۇسىرىلگەن.