قازاقستان رەسپۋبليكاسى عىلىم جانە جوعارى ءبىلىم مينيسترلىگى عىلىم كوميتەتى م.و. اۋەزوۆ اتىنداعى ادەبيەت جانە ونەر ينستيتۋتىنىڭ ۇيىمداستىرۋىمەن الماتىداعى قازاقستان رەسپۋبليكاسى ۇلتتىق كىتاپحاناسىنىڭ «ن.داۋلەتوۆا» اتىنداعى زالىندا ينستيتۋتتىڭ 90 جىلدىق مەرەيتويى اياسىندا «ۇلتتىق ادەبيەتتانۋ مەن ونەرتانۋ: تاريح تاعىلىمى جانە زاماناۋي ىزدەنىستەر» اتتى دوڭگەلەك ۇستەل ءوتتى.
ءىس-شاراعا بەلگىلى ادەبيەتتانۋشى جانە ونەرتانۋشى عالىمدار، جوو-نىڭ وقىتۋشىلارى مەن دوكتورانتتارى، ب ا ق وكىلدەرى قاتىستى. دوڭگەلەك ۇستەلدە ق ر عىلىم جانە جوعارى ءبىلىم ءمينيسترى، ق ر مادەنيەت جانە اقپارات ءمينيسترى جانە جوو-نىڭ رەكتورلارىنىڭ قۇتتىقتاۋ حاتتارى تابىستالدى.
جيىن بارىسىندا قازىرگى ادەبيەتتانۋ مەن ونەرتانۋ عىلىمىنىڭ وزەكتى ماسەلەلەرى تالقىلانىپ، م.و. اۋەزوۆ اتىنداعى ادەبيەت جانە ونەر ينستيتۋتىنىڭ 2024 جىلى جارىق كورگەن ادەبيەتتانۋ، ونەرتانۋ، فولكلورتانۋ باعىتىنداعى عىلىمي زەرتتەۋلەرىنىڭ، اكادەميالىق جيناقتارىنىڭ تانىستىرىلىمى جاسالدى. اتاپ ايتقاندا:
- «احمەت بايتۇرسىن ۇلى، ماعجان جۇمابايەۆ شىعارمالارىنىڭ اكادەميالىق تولىق جيناعى»؛
- «فولكلور جانە قوعامدىق سانا»؛
- «ءححى عاسىر ادەبيەتتانۋى: تەرميندەر سوزدىگى»؛
- «م.و.اۋەزوۆ شىعارماشىلىعىن مادەنيەتتەر ديالوگى اياسىندا زەرتتەۋ»؛
- «اباي مۇراسىنداعى ۇلتتىق جانە جالپىادامزاتتىق: ۋاقىت پەن كەڭىستىكتەگى رۋحاني ترانزيت»؛
- «قازاق پوستفولكلورى»؛
- «تۇركى حالىقتارى قاھارماندىق ەپوسىنىڭ سالىستىرمالى تيپولوگياسى»؛
- «بالالار ادەبيەتىنىڭ ءپانارالىق اسپەكتىلەرى»؛
- «الاش قايراتكەرلەرى جانە ۇلتتىق فولكلور»؛
- «التىن وردا ءداۋىرى جانە قازاق فولكلورى»؛
- «قازىرگى پوەزياداعى موديفيكاسيا: ستيل، ىرعاق، فورما»؛
- «الپامىس باتىر» جىرىنىڭ ءۇش تىلدەگى نۇسقاسى»؛
- «قازاقستاندىق ونەرتانۋ عىلىمى: پوستكەڭەستىك ءداۋىردى زەرتتەۋدىڭ جاڭا تاسىلدەرى»؛
- «سىدىق مۇحامەدجانوۆتىڭ شىعارماشىلىعى: ۋاقىت ەنشىسىندەگى عاسىرلار ءۇنى»؛
- «جاڭا قازاق ادەبيەتى: دارىندى جاستاردىڭ شىعارماشىلىق جەتىستىكتەرى»؛
- «ورتالىق ازيا ادەبيەتى: پوستوتارلىق ەستەتيكا جانە ادەبي بايلانىستار؛
- «يزوبرازيتەلنوە يسكۋسستۆو ي ارحيتەكتۋرا كازاحستانا ۆ پەريود نەزاۆيسيموستي: ستيل ەپوحي ي پرەەمستۆەننوست تراديسيي؛
- «كازاحسكايا تەما ۆ رۋسسكوي ليتەراتۋرە: يماگولوگيچەسكيي ديسكۋرس» اتتى ۇجىمدىق مونوگرافيالاردىڭ:
-«شەريازدان ەلەۋكەنوۆ جانە ادەبيەتتانۋ عىلىمىنىڭ وزەكتى ماسەلەلەرى»؛
- «اۋەزوۆ ءۇيى» عىلىمي-مادەني ورتالىعى جانە مۋزەيدى قالىپتاستىرۋداعى ءلايلا اۋەزوۆانىڭ تاريحي ءرولى»؛
- «قازىرگى ادەبيەتتانۋ، ونەرتانۋ جانە فولكلورتانۋدىڭ وزەكتى ماسەلەلەرى؛- «ورازگۇل نۇرماعامبەتوۆا جانە ەپوستانۋ ماسەلەلەرى» اتتى حالىقارالىق كونفەرەنسيا ماتەريالدارىنىڭ تۇساۋكەسەر ءراسىمى ءوتتى.
– عىلىم ۇلكەن قاجىر-قايراتتى قاجەت ەتەدى. عىلىمي ەڭبەكتەر بولاشاق ۇرپاق ءۇشىن وتە قۇندى جادىگەر سانالادى، – دەدى ق ر ۇعا اكادەميگى، فيلولوگيا عىلىمىنىڭ دوكتورى ك.ماتىجانوۆ.