ارنايى توپ قۇرىلدى.
قازاق-قىتاي شەكاراسىنداعى "نۇر جولى – قورعاس" وتكىزۋ پۋنكتىندەگى كەپتەلىسكە بايلانىستى باس كولىك پروكۋراتۋراسى مەن مەملەكەتتىك كىرىستەر كوميتەتىنىڭ قىزمەتكەرلەرىنەن تۇراتىن توپ قۇرىلدى، دەپ حابارلايدى aqshamnews.kz
الەۋمەتتىك جەلىلەردە "نۇر جولى – قورعاس" وتكىزۋ پۋنكتىندە كەزەك ەكى اپتاعا بوس ەمەس ەكەنى، بوس ورىندارىنىڭ تاپشىلىعى سىبايلاس جەمقورلىقتى تۋىنداتاتىنى ايتىلىپ، ادال تاسىمالداۋشىلار نارازىلىق ءبىلدىرىپ جاتقانى جايلى اقپارات تاراعان.
"وسىعان بايلانىستى، سarGoRuqsat سەرۆيسىنىڭ جۇمىس رەجيمىن بۇزۋدىڭ تۋىنداعان جاعدايلارىن جويۋ ءۇشىن تىكەلەي كەدەن بەكەتىنە باس كولىك پروكۋراتۋراسى مەن ق ر قم مەملەكەتتىك كىرىستەر كوميتەتىنىڭ قىزمەتكەرلەرى توپ قۇرامىندا باردى. جۇمىس توبىمەن جۇيەدە جاساندى بوس ورىن تاپشىلىعىن تۋدىراتىن "كومەكشىلەر" دەپ اتالاتىن تۇلعالاردىڭ جانە جۇيەگە روبوتباعدارلامالارىنىڭ ارالاسۋىن جوققا شىعارىلۋدا. بۇل باعدارلامالار قورعانىستى اينالىپ ءوتىپ، ميلليسەكۋندتاردا كەزەك الادى. وسىعان بايلانىستى كەزەك الۋ پروسەسىن وزگەرتۋ تۋرالى شەشىم قابىلداندى" دەلىنگەن كىرىستەر كوميتەتىنىڭ اقپاراتىندا.
رەسمي اقپاراتقا ساي، ەندى، كەزەكتى الۋ جانە وتكىزۋ پۋنكتىنەن ءوتۋ ۋاقىتىن/كۇنىن تاڭداۋ مۇمكىندىگى پايدالانۋشىعا فورماتتىق-لوگيكالىق باقىلاۋدان وتكەننەن كەيىن بەرىلەدى. مۇنداي دايەكتىلىك كەزەكتەگى ورىنداردى الىپساتار تۇلعالاردى الىپ تاستاۋعا، ال ادال تاسىمالداۋشىلارعا قاجەتسىز اسىعۋسىز قويىلاتىن تالاپتارعا سايكەستىگىن تەكسەرۋدەن ءوتىپ، سودان كەيىن عانا وزىنە ىڭعايلى ءجۇرۋ ۋاقىتىن تاڭداۋعا مۇمكىندىك بەرەدى.
“بۇدان بولەك، مەملەكەتتىك كىرىستەر كوميتەتى 28 قازاننان باستاپ قحر شەكاراسىندا شەتەلدىك رۇقسات بلانكىلەرىن بەرۋ ولاردىڭ بولماۋى جانە ق ر كولىك مينيسترلىگىنىڭ جاعدايدى شەشۋى سەبەبىنەن ۋاقىتشا توقتاتىلاتىنىن حابارلايدى” دەدى كوميتەتتەگىلەر.