قازاقستان مەن قىرعىزستان شەكاراسىندا جۇك كولىكتەرى تاعى دا كەزەك كۇتىپ تۇر. بۇل جولى كەن-بۋلۋن وتكەلىندە كەپتەلىس تۋىندادى. ءقازىر شەكارادان وتە الماي تۇرعان كولىك سانى 200-گە جۋىق. سوڭعى كەزدە قىرعىزستاندا مۇنداي جاعداي ءجيى قايتالانادى. بۇل جولى جۇك كولىكتەرى كەن-بۋلۋن وتكەلىندە تۇر، دەپ حابارلايدى Almaty-akshamy.kz 24.kz-كە سىلتەمە جاساپ.
جۇك تيەلمەگەن كولىكتەر قىرعىزستاننان قازاقستانعا تەك وسى ارالىقتان عانا وتە الادى. الايدا ەكى كۇننەن بەرى كەزەك جىلجيتىن ەمەس.
تالعات اسكەيەۆ، كولىك جۇرگىزۋشى:
- مۇندا تۇرعانىمىزعا ەكى كۇن بولدى. كورىپ تۇرعان كولىكتەردىڭ بارلىعى بوس، ەشبىر جۇگى جوق. قازاقستان اۋماعىنا كىرگىزۋىن كۇتىپ تۇرمىز، ويتكەنى بىزگە سوندا جۇك تيەۋ نەمەسە كونتەينەرلەرىمىزدى قالدىرۋ كەرەك.
كولىك كەپتەلىسىنە نە سەبەپ بولعانىن ازىرگە ەشكىم تۇسىندىرگەن جوق. ادەتتە تاۋار نەمەسە ازىق-تۇلىك تيەلگەن جۇك كولىكتەرىنە شەكارادان ءوتۋ قيىن. ساراپشىلار مۇنى جۇڭگو تاۋارىنىڭ ورتالىق ازيا بويىنشا ءترانزيتى جانە مول پايدا اكەلەتىن ءونىم بولعاندىقتان ساۋدا تارتىسى بار دەپ تۇسىندىرەدى. وعان قوسا قىرعىز ەكسپورتورلەرى ءونىمنىڭ سەرتيفيكاتتارى مەن ەلەكتروندى قۇجاتتى تالاپ ەتەتىن ساۋدا ەرەجەلەرىنە سالاقتاۋ.
تەمير شابدانالييەۆ، قىرعىزستان تاسمىلداۋشىلار مەن لوگيستەر قاۋىمداستىعىنىڭ ءتوراعاسى:
- قىرعىز تاراپى جاڭا جىلدان كەيىن تاۋارلاردى تەك ەلەكتروندى قۇجاتپەن جىبەرۋگە مىندەتتەمە العان. الايدا بۇل شارتتى ورىنداپ جاتقان جوقپىز. ەلەكتروندى قۇجاتى جوق كەز كەلگەن كولىكتى قازاقستاندىقتار باقىلايدى. سونداي كولىك كوپ ەكەنىن كورىپ تۇرسىز، سوندىقتان 200، 300 كولىك شەكارادا تۇرىپ قالدى.
شەكاراداعى كەزەكتى ازايتۋ ءۇشىن لوگيستتەر باقىلاۋشى ورگاندارعا ەلەكتروندى جانە وزگە دە قۇجاتتاردى شەكاراعا جەتپەي قىرعىزستان اۋماعىندا تەكسەرۋدى ۇسىنادى. ال قۇجاتتارى دۇرىس راسىمدەلگەن كولىك جۇرىزۋشىلەرى شەكارادان كەدەرگىسىز وتەدى.