سولتۇستىك قازاقستان وبلىسىنىڭ ورتالىعى پەتروپاۆل قالاسىندا قازاق ادەبيەتىنىڭ جارىق جۇلدىزى، وشپەس مۇرا قالدىرعان ۇلى اقىنى ماعجان جۇمابايدىڭ 130 جىلدىق مەرەيتويىنا وراي حالىقارالىق عىلىمي كونفەرەنسيا ءوتتى، دەپ حابارلايدى Almaty-akshamy.k
كونفەرەنسيا باستالماس بۇرىن، قوناقتار ماعجان الاڭىندا اقىننىڭ ەسكەرتكىشىنە گۇل شوقتارىن قويدى.
سولتۇستىك قازاقستان وبلىسىنىڭ اكىمى ايداربەك ساپاروۆ كونفەرەنسياعا قاتىسۋشىلاردى قۇتتىقتاپ، شىعارماشىلىقتارىنا تابىس تىلەدى.
كونفەنەرەنسياعا كورشىلەس وزبەكستان، قىرعىزستان، ءازىربايجان جانە تۇركيا رەسپۋبليكالارىنان كەلگەن قوناقتارمەن قاتار، ەلىمىزدىڭ بەلگىلى عالىمدارى، زيالى قاۋىم وكىلدەرى دە قاتىستى.
قازاقستان جازۋشىلار وداعى باسقارما ءتوراعاسى مەرەكە قۇلكەنوۆ كونفەرەنسيانىڭ ماڭىزىن ايتا وتىرىپ، ماعجاننىڭ مۇرالارىنا اسا جاۋاپكەرشىلىكپەن قاراپ، شىعارمالارىنىڭ تولىق اكادەميالىق جيناعىن شىعارۋىمىز كەرەكتىگىن اتاپ ايتتى.
«ماعجان - قازاق پوەزياسىنا ليريكانىڭ سونى ۇلگىسىن اكەلگەن، قازاق جىرىنا ەۋروپالىق جاڭا ورنەك سالعان، ارتىنا وشپەس رۋحاني مۇرا قالدىرعان ۇلى اقىن»، - دەدى م. قۇلكەنوۆ.
سونداي-اق، قازاقستان جازۋشىلار وداعى اتىنان ۇلى اقىننىڭ مەرەيتويىنا وراي جوعارى دەڭگەيدە كونفەرەنسيا ۇيىمداستىرعان وبلىس اكىمى ا. ساپاروۆقا العىس حات تابىس ەتتى.
كونفەرەنسياعا قاتىسقان بايانداماشىلار ماعجان جۇمابايدىڭ شىعارماشىلىعى، ساياسي قوعامدىق ءومىرى، قىزمەتى جايىندا قۇندى دەرەكتەرىمەن ادەبي مالىمەتتەردى تولىقتىردى.